Zamanaýı qurylǵy júrek donoryn almastyra ala ma

<p>ASTANA. KAZINFORM &ndash; Astanadaǵy UMC júrek ortalyǵynda júrek jetkiliksizdigi dertine shaldyqqan naýqastardy qoldaý baǵdarlamasynyń 10 jyldyǵy atap ótildi. 2014 jylǵy 19 tamyzda Qazaqstanda júrektegi qan aınalymyn mehanıkalyq qoldaıtyn apparatty ornatý boıynsha alǵashqy ota jasaldy.</p>

LVAD HeartMate 3 (left ventricular assist device) - qan aınalymyna mehanıkalyq qoldaý kórsetetin júrektiń sol jaq qarynshasyna arnalǵan kómekshi qurylǵy. Implant qurylǵy júrektiń qan aınalymyna jáne aǵzany ottegimen qanyqtyrýǵa kómektesedi. Qurylǵy kabel arqyly syrtqy basqarý júıesine qosylady jáne qýattalady. 

UMC júrek ortalyǵynyń kardıolog-dárigerleriniń aıtýynsha, Qazaqstanda júrek jetkiliksizdiginiń sońǵy satysyna jatatyn patsıentterdiń sany boıynsha naqty statıstıka joq. Ótken jyly elimiz boıynsha atalǵan dıagnozben 400-ge jýyq patsıent resmı tirkelgen. 

University Medical Center basqarma tóraǵasynyń orynbasary Mahabbat Bekbosynovanyń aıtýynsha, Eýropa memleketteriniń málimetterine sáıkes, júrek jetkiliksizdigi dıagnozymen aýyratyn naýqastardyń sany 4-ten 40 myń adamǵa deıin jetedi. 

Foto: Vıktor Fedıýnın / Kazinform

«Bizdiń ortalyq qurylǵynyń klınıkalyq zertteýin bastaýǵa ruqsat alǵan 5 eldiń qatarynda. Apparatty zertteý úshin 8 birlik berildi, nátıje berýine baılanysty biz zertteýden tys tehnologııany paıdalanýǵa ruqsat aldyq. Bul búginde júrek transplantatsııasyn qajet etetin naýqastar úshin oń sheshim. Donorlardyń sany shekteýli, al qurylǵy tıimdi balama. Hart Male3 qurylǵysy patsıentterge donorlyq júrek kezegin kútýge múmkindik beredi, onyń jalǵyz kemshiligi qurylǵynyń ishki ǵana emes, syrtqy bóligi de bar. Ázirleýshiler osy tehnologııany jetildirý jáne qurylǵynyń syrtqy bólikterin alyp tastaý baǵytynda jumys istep jatyr. Bolashaqta bul júrek transplantatsııasyna balama bolýy múmkin», - dedi University Medical Center basqarma tóraǵasy ıÝrıı Pıa baspasóz máslıhatynda. 

Foto: Vıktor Fedıýnın / Kazinform

Sondaı-aq brıfıng barysynda elimiz boıynsha júrek transplantatsııasy kezeginde 149 patsıenttiń turǵany aıtyldy, onyń arasynda 10 bala bar. 

«Bizdiń ortalyqta júrek transplantatsııasyn jasatqan 94 patsıenttiń 46-sy qan aınalymy mehanıkalyq qoldaýdan ótti. Implanttan keıin bir jyl ishinde ómir súrý kórsetkishi transplantatsııaǵa qaraǵanda joǵary», - dep tolyqtyrdy University Medical Center basqarma tóraǵasynyń orynbasary Mahabbat Bekbosynova. 

Qan aınalymyn mehanıkalyq qoldaýdy engizý Taraz, Almaty jáne Shymkent qalalaryndaǵy medıtsınalyq mekemelerde de júrgiziledi. LVAD qyzmetiniń basshysy Naıl Hısammýtdınov otadan keıin apparattary bar naýqastar ár 3 aı saıyn tekserýden ótetinin aıtty.