«Zakovat» zııatkerlik oıynynyń І Ortalyq Azııa kýbogynda Qazaqstan jeńiske jetti

TAShKENT. QazAqparat – Ózbekstan astanasynda «Zakovat» zııatkerlik oıynynyń sporttyq nusqasy boıynsha I Ortalyq Azııa kýbogy aıasyndaǵy breın-rıng týrnıriniń fınalynda Qazaqstannyń «Prostye rabotıagı» komandasy jeńiske jetti. Bul týraly «Zakovat» zııatkerlik klýbynyń Telegram arnasy habarlady, dep habarlaıdy QazAqparat.

Búgin «Zakovat» zııatkerlik oıynynyń sporttyq nusqasy boıynsha І Ortalyq Azııa kýbogy aıasyndaǵy breın-rıng týrnıri óz máresine jetti.

«Qıyn básekede ótken fınaldyń alǵashqy kezdesýinde Ózbekstan komandasy qazaqstandyq qarsylastaryn 6:2 esebimen utty. Ekinshi oıynda qazaq bilimpazdary 4:2 esebimen jeńiske jetti. Sońǵy sheshýshi oıynda da qazaqstandyqtar 5:2 esebimen jeńiske jetip, kýbokty ıelendi», - delingen habarlamada.

Jeńimpazdarǵa kýbokty Ózbekstan prezıdenti ákimshiligi basshysynyń orynbasary Komıl Alladjonov tabys etti.

Týrnır qorytyndysy boıynsha, 2-oryndy Ózbekstannyń «My» komandasy, 3-oryndy da jergilikti «Mısterııa» komandasy ıelengen.

Jeńimpaz komandaǵa 100 mln sým kóleminde syıaqy tabystaldy.

Ekinshi oryn úshin 60 mln sým, úshinshi orynǵa 40 mln sým syıaqy berildi.