Zaǵıptardyń turmystyq máselelerin vıdeokamera arqyly sheshýdiń joly tabyldy

ASTANA. QazAqparat - Mobıldik Be My Eyes (Meniń kózim bol) vıdeokamerasyn qoldaný zaǵıptar men kózi nashar kóretin jandardyń turmystyq máselelerin sheshýdiń birden-bir joly bolyp otyr. Jańa tehnologııa múgedekke eriktilerdiń kómegimen mańaıynda ne bolyp jatqanyn bilip, soǵan baılanysty áreket jasaı alady, dep habarlaıdy The Next Web.

Be My Eyes  avtory - Danııa azamaty, kózi nashar kóretin Hans Iorgen Vıberg.

Ol ázirlegen baǵdarlamany iOS ı Android operatsııalyq júıesimen jabdyqtalǵan kez kelgen mobıldik qurylǵy arqyly júktep alýǵa bolady. Búgingi tańda bul baǵdarlamaǵa jazylýshylar sany eki mıllıonǵa jaqyndady. Olardyń ishinde 1,78 mıllıony eriktiler, al 103 myńy kózden múgedektikke shaldyqqandar bolyp otyr.

Qazirgi shaqta Be My Eyes-ke 150 eldiń aýmaǵynda qoljetimdi, al qosymshasy 180-nen astam tilde jumys isteıdi.

«BUU derekteri boıynsha zaǵıptardyń 90 paıyzy tabysy tómen elderde turady»,-deıdi Vıberg. «Sondyqtan biz Be My Eyes-ti damý ústindegi elderge taratý múmkindigin izdestirýdemiz»

Eriktige kómekshi bolý úshin qosymshany júktep, tirkelse jáne qaı tildi biletindigin kórsetse bolǵany. Budan keıin smartfonǵa kimge kómek qajettigi jaıly vıdeoqońyraýlar túse bastaıdy. Eger eriktiniń ýaqyty bolsa, tikeleı baılanysqa shyǵyp, qandaı tapsyrma túskendigin biledi. Al odan zaǵıp nemese kózi nashar kóretin adam shuǵyl kómek suraýyna bolady. Mysaly dúkendegi azyq-túliktiń jaramdy-jaramsyz  ekendigin, nemese jolyndaǵy kedergilerdi anyqtaý, tipti kıimin durys jýyp jatqandyǵy tekserip berýin, taǵysyn taǵylar.

Qashyqtyqtan qoldaý adamdarǵa kúndelikti jumysynda kezdesetin qıyndyqtardy ózderi týǵan týystarynyń kómeginsiz-aq sheshýge múmkindik týǵyzyp otyr.

Aıta ketken jón, Dúnıejúzilik densaýlyq saqtaý uıymynyń baǵalaýynsha, álemde 1,3 mıllıard adamnyń kózinde kinárat bar, 36 mıllıony - zaǵıp.