Zábir kórgen 27 áıel Atyraýdaǵy daǵdarys ortalyǵyn panalady
Atyraý oblystyq polıtsııa departamenti áıelderdi zorlyq-zombylyqtan qorǵaý tobynyń erekshe tapsyrmalar jónindegi aǵa ınspektory Raısa Aıtjanovanyń málimetinshe, bıyl áıelderge zorlyq-zombylyq kórsetý deregi byltyrǵydan 1 myńǵa azaıǵan.
«Bizdiń basty mindetimizdiń biri — áıelder men balalardy otbasyndaǵy zorlyq-zombylyqtan qorǵaý. Bolýy yqtımal osyndaı derekterdiń aldyn alý úshin profılaktıkalyq is-shara ótkizilip, keńes beriledi. Máselen, bizdiń ınspektorlarymyz 324 áıelge konsýltatsııalyq kómek kórsetti. Jyl basynan beri daǵdarys ortalyǵy jyl basynan beri 96 adam ornalastyryldy. Onyń ishinde 27 áıel men 68 bala bar», — dep habarlady Raısa Aıtjanova.
Turmystyq zorlyq-zombylyq qurbandaryna arnaýly áleýmettik qyzmetter kórsetý bólimshesiniń zańgeri Bekbolat Taıjanovtyń pikirinshe, qoǵamnyń ár múshesi zorlyq-zombylyqty aldyn alýǵa atsalysýy qajet.
«Otbasynda turmystyq zorlyq-zombylyqqa ushyraǵan ár adam arnaıy organnan kómek suraýǵa arlanbaǵany jón. Tipti týystary osyndaı qıyndyqqa tap bolsa da únsiz qalmaý kerek. Zorlyq-zombylyqqa qarsy áreket etý — ár adamnyń mindeti. Ásirese, áıelder men balalardyń qaýipsiz ortada ómir súrýi úshin kúsh biriktirgenimiz jón», — deıdi Bekbolat Taıjanov.
Zańgerdiń aıtýyna qaraǵanda, otbasynda zábir kórgen áıelder men balalar arnaıy ortalyqtyń medıtsı qyzmetkerlerinen, zańger men psıhologtarda keńes alýyna bolady.
Eske sala ketelik, buǵan deıin Atyraýda zorlyqqa ushyraǵan qyz kómek suraǵanyn bolatynbyz.