«ıÝjnyı» saıabaǵyndaǵy jer ýchaskesi Almaty menshigine qaıtarylady

ALMATY. QazAqparat - Almatydaǵy «ıÝjnyı» saıabaǵy qala menshigine qaıtarylady. Megapolıs ákimi Baqytjan Saǵyntaev memleket muqtajy úshin jer ýchaskelerin alyp qoıýǵa baılanysty jer ýchaskelerin nemese ózge de jyljymaıtyn múlikti májbúrlep ıelikten shyǵarýdyń bastalýy týraly qaýlyǵa qol qoıdy, dep habarlaıdy QazAqparat tilshisi.

Osyǵan baılanysty Almaty qalasynyń jer qatynastary basqarmasyna zańnamada belgilengen tártippen menshik ıelerine habarlaý jáne jer ýchaskeleriniń ıelerine ótemaqy tóleýdi qamtamasyz etý tapsyryldy.

«Memleket muqtajy úshin jer ýchaskelerin alyp qoıýǵa baılanysty jer ýchaskelerin nemese basqa jyljymaıtyn múlikti májbúrlep ıelikten shyǵarý jónindegi is-sharalar aıaqtalǵannan keıin, jer ýchaskeleri Almaty qalasy boıynsha memlekettik aktıvter basqarmasynyń balansyna ótsin. Osy qaýlynyń oryndalýyn baqylaý Almaty qalasy ákiminiń orynbasary M.B.Ázirbaevqa júktelsin «, - delingen qaýlyda.