ıÝrıı Ilın: Jarylys saldaryn joıý úshin taǵy 2-3 kún kerek

NUR-SULTAN. QazAqparat – QR Tótenshe jaǵdaılar mınıstri ıÝrıı Ilın BAQ ókilderine Jambyl oblysyndaǵy jarylys saldaryn joıý úshin qansha kún kerek ekenin aıtty, dep habarlaıdy QazAqparat tilshisi.

«Búgingi tańda eki qoımada byqsyp jatqan oshaqtar bar. Osy másele boıynsha jınalys ótkizdik. Qorǵanys mınıstrliginiń saperleri men órt sóndirý qyzmeti atalǵan oshaqtarda jumys istep jatyr. Jarylmaı qalǵan oq-dáriler bar. Tótenshe jaǵdaılar mınıstrliginiń bólimsheleri byqsyp jatqan oshaqtardy óshirý úshin sý tasyp, evakýatsııalanǵan turǵyndardy úılerine qaıtarýmen aınalysyp júr. Oqıǵa ornynda múlikke kelgen zalady baǵalaıtyn komıssııa jumys istep jatyr. Meniń oıymsha, jaqyn kúnderi olar qıraǵan múlikti qalpyna keltirýge kirisedi. Qaýip tolyq seıilmegenin eskersek, oqıǵanyń epıtsentrinde qaıta jarylys bolýy múmkin. Temirjol boıynsha júk tasymaly toqtap tur. Al jolaýshylar tasymaly búgin sheshilýi kerek dep oılaımyn», - degen mınıstr li de asyǵýǵa bolmaıtynyn túsindirdi.

«Munyń bári jalpy ahýalǵa baılanysty. Óıtkeni qırandylardy arshyp, tazartý úshin biraz ýaqyt kerek, kóp shyǵyn ketedi. Onda oq-dárimen jumys istep jatqan saperlerdiń amandyǵy mańyzdy ekenin túsinetin shyǵarsyzdar. Betin ári qylsyn, asyǵystyq jasap, olardy qaýipke ıtermeleı almaımyz. Jarylystyń saldaryn tolyq joıý úshin arnaıy jumys tobymen, ákimdikpen, Qorǵanys mınıstrligimen birlese otyryp, taǵy eki-úsh kún jumys isteý qajet bolady dep oılaımyn», - dedi ıÝrıı Ilın BAQ ókilderine.