ıÝrıı Ilın órt sóndirýshilerdiń áleýmettik jaǵdaıy qalaı jaqsaratynyn aıtty

NUR-SULTAN. QazAqparat – QR Tótenshe jaǵdaılar mınıstri ıÝrıı Ilın Qostanaı oblysy Áýlıekól aýdanyndaǵy órtti sóndirip jatqan mamandarmen kezdesti, dep habarlaıdy QazAqparat tilshisi.

«Memleket basshysy tikushaqpen aralap shyqqan kezde biz ben siz tap bolyp otyrǵan búkil problemalyq máselelerdi aıttym. Bul - eń aldymen jalaqynyń tómendigi, áleýmettik toptamanyń joqtyǵy. Sizder qyzmetke kelgen kezde úıden alyp kelgen azyq-túlikpen tamaq jasap ishesizder. Memleket basshysy qoldap, Úkimetke jalaqyny kóterý máselesin qarastyrýdy tapsyrdy. Sondyqtan erteń Úkimet otyrysy bolǵan kezde jalaqyny kezeń-kezeńimen kóterýge kúsh salamyz. Birden kóp aqsha bolady dep aıta almaımyn. Ol esh ýaqytta kóp bolmaıdy», - dedi mınıstr.

Sonymen qatar ıÝrıı Ilın Qorǵanys mınıstrligi qyzmetkerleri sııaqty órt sóndirýshiler de páter jaldaýǵa ótemaqy alýy, tótenshe jaǵdaılar kezinde tamaqpen qamtamasyz etilýi syndy máseleler de qarastyrylatynyn aıtty.

«Materıaldyq-tehnıkalyq jaraqtandyrý máselesin de qaıtadan taǵy bir qaraımyz. ıAǵnı, jańa tehnıkamen, kıim-keshekten jabyqtaý úneýi jańartylyp otyrýy kerek. Memleket basshysy osyndaı tapsyrmalar berdi. Bizdiń bólimshelerimizdiń jumysyn joǵary baǵalady», - dedi ol.