ıÝNISEF-tiń Qazaqstandaǵy «Ulttyq izgi nıet elshisi» taǵaıyndaldy
ıÝNISEF bul ataqty 1954 jyldan beri taǵaıyndap keledi. Osylaısha, Ulttyq izgi nıet elshisi bolǵan tanymal mádenıet, sport, ádebıet qaıratkerleri óz elderinde balalardyń quqyqtaryn qorǵaýǵa kúsh salady. Ulttyq izgi nıet elshisi etip taǵaıyndaý arqyly balalardyń máselelerine belgili adamdardyń nazaryn aýdarý kózdeledi. Máselen, atalǵan qurmetti ataq Argentınada Lıonel Messıge, al Ulybrıtanııada Devıd Bekhemge buıyrǵan.
Qazaqstandaǵy ıÝNISEF ókili ıÝrıı Oksamıtnyıdyń aıtýynsha, bul ataqty jeńip alý úshin tanymal bolý jetkiliksiz.
«ıÝNISEF-tiń izgi nıet elshileri balalardyń quqyqtaryn ilgeriletýge, ıÝNISEF-tiń basty qundylyqtaryna jáne mıssııasyna rııasyz adaldyǵyn kórsetedi. Biz úmitkerdi kóp izdedik. Dınara - dál osyndaı adam. Biz kózqarastarymyz jáne maqsat-nıetterimiz tolyǵymen bir jerden shyqqanyna qýanyshtymyz», - deıdi ıÝrıı Oksamıtnyı.
Dınara Sádýaqasova óz sózinde Ulttyq izgi nıet elshisi bolyp taǵaıyndalýdyń bar jaýapkershiligin túsinetinin atap ótti.
«ıÝNISEF-tiń maǵan senim artqanyna rızamyn jáne osy senim údesinen shyǵý úshin qolymnan kelgenniń barlyǵyn jasaıtynyma senidirgim keledi. Balalar qamqorlyq pen meıirimge bólenip, óz pikirin eresekterge jetkize alýy úshin barlyǵymyz birigip, nátıje shyǵarýdy qalaımyn», - deıdi shahmatshy boıjetken.
Bıyl ıÝNISEF uıymymen Dınara birlese sharalardy ótkizip, Mańǵystaý oblysyna sapar shegip kelgen. Naqtyraq aıtqanda, ol kámeletke tolmaǵandardy beıimdeý ortalyǵyna, devıantty minez-qulyqty balalarǵa arnalǵan mektep-ınternatqa, otbasylyq tıpti balalar aýylyna baryp, olardyń ómirine qatysty ózekti máselelerin bilip qaıtqan.
Foto: instagram/@dinara.saduakassova