ıÝNISEF-tiń Qazaqstandaǵy ókili OQO-da saparmen boldy

ShYMKENT. QazAqparat - Búgin BUU Balalar qorynyń (ıÝNISEF) Qazaqstandaǵy ókili ıÝrıı Oksamıtnyı bastaǵan delegatsııa Ońtústik Qazaqstan oblysyna jumys saparymen keldi. Jumys toby Shymkenttegi balalarǵa arnalǵan birneshe medıtsınalyq uıymdardy aralady.

Oblys ákimdiginiń baspasóz qyzmetiniń habarlaýynsha, delegatsııa músheleri, eń aldymen, «Nursat» shaǵyn aýdanyndaǵy №4 oblystyq balalar perınataldyq ortalyǵynda boldy. Bas dáriger L.Úkibaeva delegatsııany medıtsınalyq uıymnyń jumys barysymen tanystyryp, ondaǵy náresteler men analardyń jaǵdaılaryn kórsetti. Onda mamandar júkti áıelder men nárestelerdiń patologııalyq bólimderi týraly sóz etti.

Munan soń, delegatsııa oblystyq balalar aýrýhanasyna bardy. Búginde bul oblys balalaryna mamandandyrylǵan jáne joǵary tehnologııalyq kómek kórsetetin eń iri medıtsınalyq ortalyq bolyp sanalady.

Baǵdarlama barysynda BUU Balalar qory delegatsııasy ınfektsııalyq aýrýlardy emdeý men aldyn alý jónindegi «Ana men bala» oblystyq ońaltý ortalyǵynda da boldy. Bas dáriger B.Sherıev mekemeniń jumysyndaǵy basty baǵyttardy atap kórsetip, mekemeniń ishin aralatty.

Jumys sapary sońynda ıÝ.Oksamıtnyı óz pikirimen bólisip, oblysta densaýlyq saqtaý salasynda atqarylyp jatqan jumystardyń mańyzdylyǵyna toqtaldy. Atap aıtqanda, balalar máselesine baılanysty halyqaralyq deńgeıde birlese jumys isteýdi keńeıte túsýge shaqyrdy.

Aıta keteıik, Birikken Ulttar Uıymynyń Balalar qory - 190-nan asa eldi qamtyǵan, balalardyń quqyn qorǵaıtyn, olardyń basty suranystaryn qanaǵattandyrýǵa jáne jan-jaqty damý múmkinshilikterin keńeıtýge yqpal etetin álemdegi iri uıym bolyp tabylady.