ıÝNISEF: Sońǵy 15 jylda JITS saldarynan qaza tapqan jasóspirimderdiń sany úsh esege artty

ASTANA. QazAqparat - Ǵalamtorda BUU Balalar qorynyń (ıÝNISEF) baıandamasy jarııalandy. Onda sońǵy 15 jylda JITS (SPID) saldarynan qaza tapqan jasóspirimderdiń sany úsh esege artqany jazylǵan.

Baıandamada ólimniń basym bóligi turǵyndar ómir deńgeıiniń kórsetkishi tómen Afrıka elderinde oryn alatyny kórsetilgen.

2014 jyly atalǵan indet saldarynan on bes jasqa deıingi 150 000 jetkinshek qaza tapty. Olardyń 90 paıyzy Afrıka elderinde turǵan. Ǵalymdar kontınenttiń bul aýmaǵynda AITV (VICh) jáne JITS saldarynan shamamen 130 000 bala, al Eýropa aýmaǵynda myńǵa jýyq jasóspirim ajal qushqanyn aıtty.

Statıstıka kórsetkendeı, planetada VICh juqtyrǵan 15 jastan úlken 17,4 mıllıon názik jandy ómir súredi. Olardyń bir jarym mıllıony 2014 jyly júkti bolǵan. Aýrýdy bul sábılerdiń barlyǵy juqtyrǵan joq. Afrıkada týǵan balalardyń 88% AITV-ınfektsııasymen dúnıege kelgen.