ıÝNISEF 5-shi Dúnıejúzilik kóshpendiler oıyndarynyń resmı seriktesi atandy
5-shi Dúnıejúzilik kóshpendiler oıyndaryn daıyndaý jáne ótkizý dırektsııasynyń baspasóz qyzmetinen málim etkenindeı, qujat bıylǵy jyldyń eń mańyzdy sporttyq oqıǵalarynyń biri aıasynda ınklıýzııany jáne balalardyń quqyǵyn ilgeriletýge baǵyttalǵan mańyzdy yntymaqtastyqtyń bastamasyna aınaldy.
ıÝNISEF Qazaqstan 5-shi Dúnıejúzilik kóshpendiler oıyndarynyń resmı kommertsııalyq emes seriktesi atandy. Saltanatty sharaǵa 5-shi Dúnıejúzilik kóshpendiler oıyndaryn daıyndaý jáne ótkizý jónindegi dırektsııanyń basshysy Naıl Nurov, sondaı-aq Qazaqstandaǵy ıÝNISEF ókili, doktor Rashed Mýstafa Sarvar qatysty. Naıl Nurov óz sózinde ıÝNISEF-pen yntymaqtastyq oıyndardy tek áserli ǵana emes, sonymen qatar balalardyń quqyǵyn jáne mańyzdy sharalarǵa qatysýyn qamtamasyz ete otyryp, qoljetimdi etýge kómektesetinin atap ótti.
«Dástúrli ulttyq oıyndardyń oqý-tárbıelik áleýeti zor, ulttyq oıyndarda balanyń oıdaǵydaı damýy úshin bári bar. Olar balalardyń tól mádenıeti týraly túsinigin keńeıtýge jáne halyqtyń áleýmettik tájirıbesin urpaqtan-urpaqqa berýge kómektesedi. Biz BUU-nyń halyqaralyq balalar qory ıÝNISEF-ti seriktesimiz retinde kórýge óte qýanyshtymyz. Bul 5-shi oıyndarǵa erekshe mártebe berip, halqymyzdyń otbasylyq qundylyqtaryn birinshi orynǵa shyǵarady», - dedi Naıl Nurov.
Dırektsııa basshysy mektepke deıingi jáne mektep jasyndaǵy balalarǵa beriletin jeńildikterge de toqtaldy. Atap aıtqanda, alty jasqa deıingi balalar oıyndarǵa tegin kire alady. Kóshpendiler oıyndaryna 6 men 18 jas aralyǵyndaǵy balalar men jasóspirimderge 50 paıyzdyq jeńildik qarastyrylǵan. Mysaly, «Teńge ilý» men «Qusbegilik» jarystaryna bılet quny 500 teńge bolsa, mektep oqýshylary úshin bılet 250 teńge turady.
Sport pen dene shynyqtyrý ár balanyń ómirinde mańyzdy mánge ıe. Olar balalardyń kóshbasshylyq qasıetterin damytýǵa, áleýmettenýine, densaýlyǵy men ál-aýqatyn jaqsartýǵa yqpal etedi. Medaldar men jeńister qurmetke bóleıtini sózsiz, biraq sporttyq jarystarǵa qatysýdyń ózi balalar men jasóspirimderdiń psıhıkalyq densaýlyǵyn saqtaý úshin odan da mańyzdy bolyp keledi. ıÝNISEF barlyq bala úshin ınklıýzıvti jáne qolaıly orta qurýǵa septesý arqyly Dúnıejúzilik kóshpendiler oıyndaryna qoldaý kórsetedi.
«Oıyn quqyǵy Bala quqyqtary týraly konventsııada bekitilgen. Bıyl Qazaqstan Konventsııany ratıfıkatsııalanǵanyna 30 jyl tolady. Al biz eń iri halyqaralyq sporttyq is-shara — Dúnıejúzilik kóshpendiler oıyndary osy quqyqqa basymdyq bergenine óte qýanyshtymyz. Bizdiń seriktestigimiz barlyq eresekterge balalarmen oınaý jáne olarǵa kóbirek kóńil bólý qanshalyqty mańyzdy ekenin jetkizýge múmkindik beredi», - dedi doktor Rashed Mýstafa Sarvar.
Memorandým balalardyń quqyǵy týraly habardarlyqty arttyrýǵa, ınklıýzııany qamtamasyz etýge jáne oıyndardy uıymdastyrýda tehnıkalyq qoldaý kórsetýge baǵyttalǵan bastamalardyń keń aýqymyn qamtıdy. Atap aıtqanda, ıÝNISEF volonterlerdi oqytýǵa belsendi atsalysady. Sonymen qatar etnoaýylda balalar men olardyń ata-analary úshin tanymdyq is-sharalar men ınteraktıvti sheberlik saǵattaryn ótkizedi. Ǵylymı baǵdarlama aıasynda ıÝNISEF balalardyń durys jáne teńgerimdi tamaqtanýy jónindegi halyqaralyq standarttarmen jáne ulttyq zertteýdiń nátıjelerimen bólisedi.
Aıta keteıik, Dúnıejúzilik kóshpendiler oıyndary Astanada 2024 jyldyń 8-13 qyrkúıegi aralyǵynda ótedi jáne 21 sport túri boıynsha 89 elden 2500-ǵa jýyq qatysýshynyń basyn qosady. Osyndaı aıtýly shara tek mádenı jáne sporttyq mereke ǵana emes, sonymen qatar balalardyń quqyǵy men ınklıýzııasy týraly negizgi máselelerdi alǵa bastyrýǵa kómektesetin alań bolady.