ıÝNESKO Praga ortalyǵyn mádenı mura tiziminen shyǵarýy múmkin
08:57, 13 Qyrkúıek 2018
ASTANA. QazAqparat - Chehııa astanasynyń basshylyǵy qala ortalyǵynda kók tiregen zamanaýı ǵımarattardy salýdy josparlap otyr. Bul sáýlet ansamblin ózgertetindikten, ıÝNESKO qala bıligine 2019 jylǵy 1 jeltoqsanǵa deıi osy josparyn qaıta qaraýdy usyndy, dep habarlaıdy «QazAqparat» HAA euro-pulse.ru-ǵa silteme jasap.
Eger Praga bıik ǵımarattar salý josparyn ózgertpese, ıÝNESKO aldymen qala ortalyǵyn qaýip tóngen mádenı muralar tizimine engizip, keıin múlde tizimnen shyǵaryp jiberýi múmkin.
ıÝNESKO Pragadaǵy qurylys josparlaryna baılanysty alǵash ret 2017 jyldyń kúzinde dabyl qaqqan bolatyn. Sol kezde Praga basshylyǵy qalanyń tarıhı aýdany Pankratsta birneshe turǵyn úı salýǵa ruqsat bergen edi.
2017 jyly ıÝNESKO Venanyń tarıhı ortalyǵyndaǵy kópqabatty úılerdiń salynýyna baılanysty, ony da qaýip tónip turǵan nysandar tizimine engizgen. Dál osy tizimge 2012 jyly Lıverpýl de kirgizildi.
Degenmen, Eýropa álemniń mádenı nysandarǵa eń baı óńiri bolyp sanalady. Eýroodaqqa múshe elderdiń ózinde olardyń sany 350-den asady.