ıÝNESKO-nyń jańa bas dırektory saılandy

ASTANA. QazAqparat - Birikken Ulttar Uıymynyń Bilim, ǵylym jáne mádenıet máseleleri jónindegi Atqarý keńesi (ıÝNESKO) frantsýz qaıratkeri, burynǵy mádenıet mınıstri Odre Azýleni uıymnyń bas dırektory qyzmetine saılady, dep habarlaıdy TASS.

Atqarý keńesi músheleriniń basym bóligi Odre Azýlenniń kandıdatýrasyn qoldap daýys bergen.

Aıta keteıik, Birikken Ulttar Uıymynyń Bilim, ǵylym jáne mádenıet máseleleri jónindegi Atqarý keńesi dúısenbi kúni birinshi týrda uıymnyń jańa bas dırektoryn saılaı almaǵandyǵy týraly habarlaǵan bolatynbyz . 

Alǵashqyda ıÝNESKO bas dırektory qyzmetine toǵyz úmitker usynyldy, keıin Gvatemala men Irak qosyldy. Osylaısha, saılaýǵa Ázerbaıjan (Ázerbaıjannyń RF-tegi elshisi, kompozıtor jáne ǵalym Polad Bıýlbıýlogly), Qytaı (ıÝNESKO bas dırektorynyń bilim berý máseleleri jónindegi orynbasary, dıplomat Tsıan Tan), Egıpet (quqyq qorǵaýshy jáne otbasy isteri jónindegi burynǵy mınıstr Mýshıra Hattab), Lıvan (mádenıet mınıstriniń keńesshisi Vera El-Hýrı Lakeı), Vetnam (SІM basshysynyń orynbasary Fam Sýan Shon), Katar (burynǵy mádenıet, óner jáne mura mınıstri Hamad bın Abdýlazız al-Kavarı), Frantsııa (burynǵy mádenıet jáne kommýnıkatsııalar mınıstri Odrı Azýle) qatysty.