ıÝNESKO Mysyrdaǵy mádenı muraǵa alańdaýly
23:27, 21 Tamyz 2013
ASTANA. 21 tamyz. QazAqparat - Adamzattyń ıgiligi men kózaıymyna aınalǵan asyl jaýharlardyń saqtalýyna jaýapty álemdik irgeli uıym - ıÝNESKO Mysyrdyń ál-Mına qalasyndaǵy Ulttyq murajaıdyń tonalýyna ári dinı mańyzy bar birneshe monýmenttiń joıylýyna baılanysty osy eldegi mádenı muranyń taǵdyryna alańdaýshylyǵyn bildirdi.
Muslim.kz saıtynyń jazýynsha, uıymnyń bas dırektory Irına Bokova mádenı mekemelerge jasalǵan shabýyldy jáne qundylyqtardyń qoldy bolýyn quptamaıtynyn atap ótken. «Bul Mysyr halqynyń kóne tarıhy men ulttyq ereksheliginen syr shertetin jádigerlerine keltirilgen orny tolmas zalal», - dedi ol ashyna sóılep.
Sondaı-aq, ol Mysyr bıligin mádenı jádigerlerdi saqtaýǵa shaqyrdy. Bul úshin atalmysh uıymnyń kómek qolyn sozatynyn da jetkizdi.