ıÝNESKO klýbtarynyń 200-den astam ókilderi Astanaǵa keldi

ASTANA. QazAqparat - Astananyń 20 jyldyǵy aıasynda ıÝNESKO klýbtarynyń Qazaqstan ulttyq federatsııasy jáne QR Tuńǵysh Prezıdenti - Elbasy Qory uıymdastyrǵan «Astana: beıbitshilik pen kelisim ortalyǵy» halyqaralyq konferentsııasy ótip jatyr, dep habarlaıdy QazAqparat tilshisi.

Jıynda Qazaqstannyń ultaralyq kelisim men dıalogty ornatýdaǵy tájirıbesi tanystyrylady jáne Qazaqstannyń halyqaralyq sahnadaǵy beıbitshilik pen kelisim ortalyǵy retindegi róli talqylanýda. 

«Búgingi pikirtalas alańyna bılik, azamattyq qoǵam, bıznes jáne halyqaralyq uıymdardyń, ıÝNESKO klýbtarynyń 200-den astam ókilderiniń jınalýy qýantady. Bul konferentsııa ulttar arasyndaǵy ózara túsinistikti, mádenıaralyq dıalogty  nyǵaıtý salasyndaǵy úzdik tájirıbelermen jáne pikirlermen almasýǵa baǵyttalǵan. Sonymen birge, saraptamalyq qaýymdastyq pen qoǵamdyq sektor arasynda baılanys ornatý arqyly qazirgi jaǵdaıǵa taldaý jasap, jumys tájirıbelerin jınaqtaı alamyz», - dedi QR Mádenıet jáne sport vıtse-mınıstri Aqtoty Raıymqulova QR Ulttyq mýzeıinde konferentsııanyń ashylý saltanatynda.

Vıtse-mınıstr mádenı alýantúrlilik pen mádenı úndeýge qoldaý bildirý taqyrybynyń Qazaqstan úshin ózekti ekenin atap ótti.

«Táýelsizdik alǵan sátten beri memleketimiz ata-babalardan qalǵan mádenı muralardy qalpyna keltirý boıynsha júıeli jumystar atqardy. 2004 jyldan bastap, on jyl boıy qazaq halqynyń kóptegen mádenı eskertkishteri, el aýmaǵyndaǵy materıaldyq jáne materıaldyq emes muralar  jańǵyrtyldy. 2013 jyldan búginge deıin Qazaqstan ózge elderdiń arhıvterinde saqtalǵan qundy derekterdi jınap keledi. Sol sebepti, elimizdiń mádenı jańǵyrýynyń úshinshi kezeńi bolyp sanalatyn, Memleket basshysynyń bastamasymen qurylǵan Rýhanı jańǵyrý baǵdarlamasy óte mańyzdy», - dedi ol.

Búgingi shara aıasynda 100-den astam mádenıet pen halyq ókilderi beıbit ómir súrip jatqan Qazaqstannyń tájirıbesin jáne ózge de sheteldik qonaqtardyń jumys tájirıbesimen tanysý múmkindigi bar.

«Sessııalar sońynda turaqty damý jáne Qazaqstan men Azııa-Tynyq muhıty aımaǵy jastarynyń kóshbasshylyq qasıetterin damytý boıynsha naqty usynymdar ázirlenedi dep kútýdemiz. Búgingi jıyn arqyly ıÝNESKO-ǵa múshe elderdi mádenıetterdi jaqyndastyrý men beıbitshilikke qoldaý bildirýge shaqyramyz», - dep óz sózin túıindedi QR Mádenıet jáne sport vıtse-mınıstri.

Konferentsııa 2-3 shilde kúnderi ótedi. Onyń jumysyna 200-ge jýyq halyqaralyq jáne ulttyq ekspertter, memlekettik organdardyń, Azııa-Tynyq muhıty aımaǵyndaǵy ıÝNESKO Klýbtyq qozǵalysynyń, ıÝNESKO jáne basqa da halyqaralyq uıymdardyń ókilderi atsalysady.

Konferentsııanyń ekinshi kúni - 3 shildede QR Tuńǵysh Prezıdenti - Elbasy Qory men ıÝNESKO uıymdastyrǵan «The Planet of ART» halyqaralyq festıvaliniń saltanatty jabylý keshi ótedi.