ıÝNESKO Qazaqstannyń JOO-larynda sý resýrstary jóninde arnaıy bilim modýlin engizedi

ASTANA. QazAqparat - Birikken Ulttar Uıymynyń bilim, ǵylym jəne mədenıet məseleleri jónindegi mamandandyrylǵan mekemesi (ıÝNESKO) bıyl Qazaqstannyń joǵarǵy oqý oryndaryna sý resýrstaryn basqarý boıynsha bilim modýlin engizedi. Bul týraly búgin Qazaqstan Respýblıkasynyń ıÝNESKO jəne ISESKO isteri jónindegi Ulttyq komıssııanyń otyrysynda ıÝNESKO-nyń Almatydaǵy klasterlik bıýro dırektorynyń mindetin atqarýshy Andreı Shevelev məlim etti.

"Kóptegen saıasatkerlerdiń paıymdaýynsha, birneshe onjyldyqtar buryn munaı úshin soǵys júrdi, al bolashaqta sý úshin soǵys bastalady. Jýyrda Almatyda ótken aımaqaralyq is-shara barysynda orta azııa elderiniń barlyǵy sý resýrstary men sý resýrstaryn basqarý máselelerine qatysty alań oılaryn aıtqan edi»,-deıdi A.Shevelev.

Onyń aıtýynsha, ıÝNESKO únemi sý resýrstary máselesine qatysty zertteý júrgizip, osy salada yntymaqtastyqty nyǵaıtyp keledi.

«Biz sý resýrstary salasynda, sonyń ishinde, ulttyq jáne transulttyq deńgeıdegi muzdyqtar salasynda yntymaqtastyqty damytamyz. Qyrǵyzstan men Ózbekstan arasynda sýǵa qatysty problemanyń bolǵanyn da jaqsy bilesizder. Sondyqtan, biz sý resýrstary men sý resýrstaryn basqaratyn mamandyqtardyń bilimin kúsheıtip, potentsıalyn arttyratyn sharalardy qolǵa almaqpyz. Qazaqstannyń joǵarǵy oqý oryndarynda sý resýrstaryn basqarý jónindegi arnaıy oqý modýlin engizemiz», - dep habarlady ol.