ıÝNESKO Atqarý keńesi bas dırektordy saılaı almady

  ASTANA. QazAqparat - Birikken Ulttar Uıymynyń Bilim, ǵylym jáne mádenıet máseleleri jónindegi Atqarý keńesi (ıÝNESKO) dúısenbi kúni birinshi týrda uıymnyń jańa bas dırektoryn saılaı almady, dep habarlaıdy «QazAqparat» HAA TASS-qa silteme jasap.

Úmitkerlerdiń bir de bireýi birinshi kezeńde qajetti qoldaýǵa ıe bola almady.

Seısenbi kúni keńestiń 58 qatysýshy-eli qaıta jınalady. Ázirge birinshi týrdyń nátıjesi boıynsha katarlyq úmitker kósh bastady. Alaıda, ol jeńiske jetý úshin tıisti 30 daýysqa ıe bola almady. Alǵashqy úshtikke Frantsııa men Egıpet kirdi.

Keńestiń erejesi boıynsha, qajet bolǵan jaǵdaıda saılaýdyń bes týry ótkiziledi. Eger sońǵy raýndta da jeńimpaz anyqtalmasa, bas dırektor jerebemen tańdalynady.

Alǵashqyda ıÝNESKO bas dırektory qyzmetine toǵyz úmitker usynyldy, keıin Gvatemala men Irak qosyldy. Osylaısha, qazirgi tańda saılaýǵa Ázerbaıjan (Ázerbaıjannyń RF-tegi elshisi, kompozıtor jáne ǵalym Polad Bıýlbıýlogly), Qytaı (ıÝNESKO bas dırektorynyń bilim berý máseleleri jónindegi orynbasary, dıplomat Tsıan Tan), Egıpet (quqyq qorǵaýshy jáne otbasy isteri jónindegi burynǵy mınıstr Mýshıra Hattab), Lıvan (mádenıet mınıstriniń keńesshisi Vera El-Hýrı Lakeı), Vetnam (SІM basshysynyń orynbasary Fam Sýan Shon), Katar (burynǵy mádenıet, óner jáne mura mınıstri Hamad bın Abdýlazız al-Kavarı), Frantsııa (burynǵy mádenıet jáne kommýnıkatsııalar mınıstri Odrı Azýle).

Atqarý keńesi saılaýdy jumaǵa, 13 qazanǵa deıin aıaqtaıdy dep josparlanyp otyr.