ıÝNESKO Astanadaǵy Álemdik dinder lıderleri seziniń kún tártibin qoldady

PARIJ. QazAqparat - Qazaqstannyń ıÝNESKO janyndaǵy Turaqty ókildigi Parıjde elimizdiń mádenıetaralyq dıalog salasyndaǵy tájirıbesin tanystyrdy. Erekshe nazar Álemdik jáne dástúrli dinder lıderleri seziniń jáne onyń 10-11 qazan kúnderi Astanada ótetin altynshy basqosýynyń negizgi mazmunyna aýdaryldy, dep habarlaıdy QazAqparat.

QR Syrtqy ister mınıstrliginiń baspasóz qyzmetinen málim etkendeı, Islam yntymaqtastyq uıymyna (IYU) múshe memleketter birlese uıymdastyrǵan is-sharanyń ashylýynda ıÝNESKO-nyń Etıka jáne jastar saıasaty departamentiniń dırektory Anjela Melo sóz sóıledi.

Ol talqyǵa salynatyn taqyryptyń jahandyq mańyzdylyǵyn jáne ıÝNESKO dinı konfessııalar ókilderi arasyndaǵy jáne basqa da mádenıetaralyq dıalog úlgilerine erekshe kóńil bóletinin atap ótti. Sondaı-aq uıym barlyq úkimetter men azamattyq qoǵamnyń osy baǵyttaǵy áreketterin belsendi qoldaıtynyn jetkizdi.

«Biz Qazaqstannyń usynysymen jarııa etilgen jáne ıÝNESKO-nyń jetekshiligimen júzege asyrylyp jatqan Mádenıetter jaqyndasýynyń halyqaralyq onjyldyǵy (2013-2022 jj.) murattaryna sáıkes mádenıetter men dinder arasyndaǵy únqatysý kópirlerin kóterýge qoldaýymyzdy jalǵastyrýymyz jón», - dedi A. Melo.

Esterińizge salsaq, Elbasy Nursultan Nazarbaevtyń atalǵan bastamasy halyqaralyq qaýymdastyqtyń keńinen qoldaýyna ıe bolyp, 2012 jyly 17 jeltoqsanda Birikken Ulttar Uıymy Bas Assambleıasynyń 67/104 qararymen maquldanǵan bolatyn.

Pikir almasý barysynda ıÝNESKO, IYU, Frantsııanyń Bilim berý mınıstrligi, ıÝNESKO-ǵa múshe memleketterdiń turaqty ókildikteri, ǵylymı-zertteý ortalyqtary men azamattyq qoǵam ókilderi dinı ekstremızmniń aldyn alý maqsatyndaǵy keshendi jumys aıasyndaǵy memlekettik organdar, halyqaralyq jáne úkimettik emes uıymdardyń tájirıbesin tanystyryp, talqyǵa saldy.

Qazaqstannyń ıÝNESKO janyndaǵy Turaqty ókiliniń orynbasary Asqar Abdrahmanov Álemdik jáne dástúrli dinder lıderleri seziniń aldaǵy basqosýynyń negizgi taqyryptarymen tanystyrdy. Onyń basty maqsaty - turaqty dıalog júrgizý men adamsúıgishtik qundylyqtardy nasıhattaý arqyly halyqtar men memleketterdiń birlese beıbit ómir súrýi úshin dinı qaýymdastyqtar, saıasatkerler men azamattyq qoǵamnyń kúshterin barynsha jumyldyrý.

Óz kezeginde Halyqaralyq Túrki akademııasynyń (Astana q.) aǵa sarapshysy Tımýr Kozyrev Qazaqstan men ózge de túrkitildes memleketterdiń tájirıbesindegi mádenıetaralyq dıalogty yntalandyrýdyń naqty mysaldaryn keltirdi.