ıÝn Sok El koreılik kompanııalardyń elimizdegi gaz óńdeý jobalaryna qatysqanyn qalaıdy

<p>ASTANA. KAZINFORM &ndash; Koreıa kompanııalary Qazaqstannyń negizgi ulttyq jobalaryn júzege asyrýǵa qatysqysy keledi. Bul týraly Aqordada Memleket basshysy Qasym-Jomart Toqaevpen kelissózderden keıingi birlesken málimdeme barysynda Ońtústik Koreıa Prezıdenti ıÝn Sok Elmen aıtty.</p>

«Úlken Almaty aınalma joly men Shymkent jylý elektr ortalyǵyn salý jobalarynyń arqasynda ekijaqty yntymaqtastyq tabysty júzege asyryldy degen ortaq pikirge keldik. Osyndaı tabysty mysaldardyń negizinde biz energetıka jáne ınfraqurylymdardy keńeıtý salalarynda jańa jobalar izdeý úshin odan ary yntymaqtasýǵa ýaǵdalastyq. Osyǵan oraı men Qazaqstan Prezıdentine kompanııalarymyzdyń Qazaqstannyń negizgi ulttyq jobalaryn, onyń ishinde gaz óńdeý zaýyttaryn salý jobalaryn iske asyrýǵa qatysyp, óz úlesterin qosýy úshin nazar aýdarýyn ótindim», - dedi Koreıa Prezıdenti.

ıÝn Sok El Qazaqstan Prezıdentimen kelissózder barysynda Soltústik Koreıanyń ıadrolyq qarý problemasy da talqyǵa túskenin atap ótti.

«Eki el de Soltústik Koreıanyń ıadrolyq jáne zymyran tehnıkasyn zańsyz ázirleýin erekshe aıyptady jáne Soltústik Koreıany zańsyz qarjylandyrýdy buǵattaý boıynsha halyqaralyq qoǵamdastyqtyń yntymaqtastyǵyna qatysa berýge kelisti», - dedi ol.