ıÝlııa Tımoshenko Qazaqstannyń koronavırýspen kúrestegi sharalaryn joǵary baǵalady

KIEV. QazAqparat - Qazaqstannyń Ýkraınadaǵy Elshisi Darhan Káletaevtiń «Batkıvşına» saıası partııasynyń kóshbasshysy ıÝlııa Tımoshenkomen kezdesti. Bul týraly QazAqparat Elshiliktiń baspasóz qyzmetine silteme jasap habarlaıdy.

Áńgime barysynda qazaqstandyq-ýkraınalyq yntymaqtastyqtyń qazirgi jaǵdaıy men damý keleshekteri talqylandy. Taraptar eki el arasynda saýda-ekonomıkalyq jáne mádenı-gýmanıtarlyq ózara is-qımyldy belsendirýdegi múddelilikteri týraly sóz qozǵady. Bul turǵyda ekonomıkanyń ártúrli salalarynda tyǵyz kooperatsııalyq baılanystardy qalpyna keltirý, sondaı-aq halyqaralyq kólik dálizderin damytý qajettiligi atap ótildi.

ıÝlııa Tımoshenko Qazaqstannyń koronavırýspen kúrestegi jáne shaǵyn jáne orta bıznestiń áleýmettik-ekonomıkalyq jaǵdaılaryna qoldaý kórsetýdegi sharalaryn joǵary baǵalady.

Onyń aıtýynsha, bul eldiń ekonomıkalyq damýynyń turaqty negizin qalaǵan, Elbasynyń kemeńgerlik saıasatynyń nátıjesinde múmkin boldy.