ıÝlııa Pýtıntsevanyń Oklend týrnırindegi qarsylasy belgili boldy

<p>Jańa Zelandııanyń Oklend qalasynda 1-7 qańtar aralyǵynda WTA 250 týrnıri ótedi, dep habarlaıdy <a href="Kazinform." target="_blank" rel="noopener">Kazinform.</a></p>

Jerebe tartý rásiminde Qazaqstannyń ekinshi, álemniń 66-raketkasy ıÝlııa Pýtıntsevanyń qarsylasy anyqtaldy. Qazaqstandyq tennısshi alǵashqy aınalymda álemniń 15-raketkasy, qytaılyq Van Sınıýımen sheberlik baıqasady.

Jańa maýsymnyń betashar jarystarynyń birinde dúnıejúzilik reıtıngide úshinshi bolyp turǵan amerıkalyq Korı Gaýff birinshi raketka retinde tirkelgen. Onyń bastapqy qarsylasy – otandasy Kler Lıý.

Tokıo Olımpıadasynyń qola júldegeri, reıtıngide 25-satyda turǵan ýkraınalyq Elına Svıtolına bul dodanyń ekinshi raketkasy bolyp tirkeldi. Ol kortqa qaıta oralǵan danııalyq Karolına Voznıatskımen kezdesedi.

Búgin irikteý saıystarynda taǵy bir qazaqstandyq, reıtıngide 829-satydaǵy Anna Danılına álemniń 128-raketkasy, rýmynııalyq Elena Gabrıela Rýzeden utylyp qaldy – 3:6, 3:6.

Atalmysh jarystyń júlde qory 267 myń dollardan asady.

Eske sala keteıik, budan buryn Aýstralııa ashyq chempıonatynda Býblık pen Nedovesovtiń juptyq synda kimmen birge oınaıtyny anyqtalǵanyn jazǵan bolatynbyz. 

Sondaı-aq Elena Rybakına Brısbende jańa maýsymnyń alǵashqy jarysyn ekinshi aınalymnan bastaıdy.