ASTANA. KAZINFORM - Qazaqstannyń ekinshi, álemniń 29-raketkasy ıÝlııa Pýtıntseva 29 jeltoqsan – 5 qańtar aralyǵynda ótetin Brısben (Aýstralııa) WTA 500 týrnırinde baq synaıdy.
Bul qazaqstandyq tennısshiniń jańa maýsymdaǵy alǵashqy jarysy bolmaq.
Atalmysh dodanyń 15-raketkasy bolyp tirkelgen ıÝ.Pýtıntseva týrnırdi ekinshi aınalymnan bastaıdy. Ol álemniń 38-raketkasy, Polsha ókili Magda Lınett nemese reıtıngide 67-satyda turǵan amerıkalyq Makkartnı Kesslerdiń jeńgenimen sheberlik talastyrady.
Eger ıÝ.Pýtıntseva úshinshi aınalymǵa shyǵa qalǵan jaǵdaıda álemniń 1-raketkasy, belorýstik Arına Sobolenkomen kezdesip qalýy yqtımal.
Ótken maýsymda bul jarysta Elena Rybakına jeńimpaz atanǵan edi. Bıyl ol Sıdneı men Pertte ótip jatqan United Cup týrnırin tańdady.
Eske sala keteıik, budan buryn tennısten United Cup týrnırinde Qazaqstan quramasynyń Ispanııany jeńgenin jazǵan bolatynbyz.
Sondaı-aq Mıhaıl Kýkýshkın Aýstralııadaǵy jarysty jeńispen bastady.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).