ASTANA. KAZINFORM – Qazaqstandyq tennısshi juptyq synda Indor (Úndistan) ITF týrnıriniń jartylaı fınalyna joldama aldy.
Jarystyń 1-raketkasy bolyp tirkelgen Jibek Qulambaeva grekııalyq Sapfo Sakellarıdımen birge eki kezdesýin sátti ótkizdi. Qazaqstandyq-grekııalyq jup aldymen jergilikti tennısshiler Kashısh Bhatıa – Smrıtı Bhasındy oısyrata jeńdi – 6:0, 6:3.
Al shırek fınalda bir saǵattan astam ýaqytqa sozylǵan matchta úndistandyq Sharmada Balý – latvııalyq Dıana Martsınkevıchti san soqtyrdy – 6:1, 7:5.
Endi Jibek Qulambaeva men Sapfo Sakellarıdı fınalǵa shyǵý úshin amerıkalyq Djessı Ennı – germanııalyq Lena Papadakıspen sheberlik baıqasady.
Eske sala keteıik, budan buryn Aleksandr Býblıktiń Monpele týrnıriniń shırek fınalyna joldama alǵanyn jazǵan bolatynbyz. Sondaı-aq Qazaqstan tennıs quramasy Argentınada Devıs kýbogine daıyndalyp jatqany da habarlandy.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).