Abylaıhan men Nurlyhan Parıjde jaqsy nátıeje kórsetýge bar kúshin salady – Qalen Qalıuly

<p>QYZYLORDA. KAZINFORM &ndash; Dzıýdodan Qazaqstan quramasynyń músheleri Abylaıhan Jubanazar men Nurlyhan Sharhan qazir Parıjde Olımpıada oıyndaryna daıyndyǵyn pysyqtap jatyr. Olardyń jeke bapkeri Qalen Qalıuly shákirtteriniń ázirligi jóninde aıtyp berdi.&nbsp;</p>

Eki balýan da 2000 jyly Qyzylorda oblysynda dúnıege kelgen. Úlken sportqa alǵashqy qadamyn týǵan topyraqta bastaǵan. Qazir dzıýdodan ulttyq quramanyń tájirıbeli balýandaryna aınalyp úlgerdi. 

«Parıj qalasynda jarysqa daıyndyqty bastap kettik. Shákirtterim sheberligin shyńdaý ústinde. Mundaı múmkindik árbir sportshynyń mańdaıyna buıyra bermeıdi. Sol múmkindikti múlt jibermeý kerek. Jigitter ony jaqsy túsinedi. Tatamı tórinde qarsylastarynan basym túsip, júldege qol jetkizýdi maqsat tutyp otyr.. Sondyqtan jaqsy nátıeje kórsetýge bar kúshin salady», - dedi Qalen Qalıuly.

Parıj Olımpıadasynda Abylaıhan Jubanazar 30 shildede saıysqa tússe, Nurlyhan Sharhan 1 tamyzda beldesedi. 

Abylaıhan Jubanazar 2022 jylǵy Azııa oıyndarynda qolaǵa qol sozsa, byltyr ótken «Grand Slam» týrnırlerinde kúmis jáne qola medal ıegeri atandy. Sondaı-aq, bıyl «Qazaqstan barysy týrnırinde úzdik úshtikten kórindi.

Nurlyhan Sharhan 2023 jyly Hanchjoý qalasynda Azııa oıyndarynyń qola júldesin aldy. Sondaı-aq sol jyly Azııa oıyndarynda jáne Parıjdegi «Grand Slam» týrnırinde úzdik úshtikte boldy. 2022 jyly Azııa chempıonatynda qola medal aldy. Elimizdiń birneshe dúrkin jeńimpazy jáne júldegeri bolǵan.