ıÝlııa Pýtıntseva Gonkong týrnırinde utylyp qaldy

<p>Qazaqstannyń ekinshi, álemniń 68-raketkasy ıÝlııa Pýtıntseva Gonkong WTA 250 týrnırinde utylyp qaldy, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Qazaqstandyq tennısshi alǵashqy aınalymda álemniń 37-raketkasy - reseılik Anna Blınkovamen kezdesti.

Birinshi partııada reseılik sportshy 6:4 esebimen basym tússe, ekinshisinde Pýtıntseva ese qaıyrdy - 6:2.

Úshinshi, sheshýshi sette esep 1:5 bolǵan sátte qazaqstandyq tennısshi básekeni jalǵastyrýdan bas tartty.

Bir saǵat 53 mınýtqa sozylǵan matchta Pýtıntseva 1 eıs jasap, 9 breık-poınttyń tórteýin paıdalana bildi. Blınkova 3 eıs, 5 breıkpen (6 breık-poınt) kózge tústi.

Taǵy bir qazaqstandyq, irikteý saıystarynan sátti ótken, reıtıngte 1016-satydaǵy Anna Danılına alǵashqy aınalymda álemniń 70-raketkasy, Polsha ókili Magdalena Freshpen oınaıdy.

Eske sala keteıik, budan buryn Anna Danılınanyń Gonkongte negizgi jarysqa joldama alǵanyn jazǵan bolatynbyz.

Sondaı-aq Elena Rybakına bastaǵan tennısshiler álem chempıonatynda Qazaqstan namysyn qorǵaıtynyn habarlaǵan edik.