BERLIN. KAZINFORM – Qazaqstannyń ekinshi, álemniń 41-raketkasy ıÝlııa Pýtıntseva Bırmıngem (Ulybrıtanııa) WTA 250 týrnıriniń jartylaı fınalyna shyqty.
Qazaqstandyq tennısshi shırek fınalda dúnıejúzilik reıtıngide 61-orynda turǵan amerıkalyq Kerolaın Doýlhaıdpen kezdesti.
Birinshi sette Pýtıntseva 6:3 esebimen basym túskenimen, ekinshisinde taı-breıkte Doýlhaıd ese qaıyrdy – 7:6 (7:2). Degenmen sheshýshi, úshinshi sette ıÝlııa bet qaratpady – 6:1.
Eki saǵat 12 mınýtqa sozylǵan tartysty báseke barysynda Pýtıntseva 2 eıspen birge 20 breık-poınttyń segizin óz esebine jazdy. Doýlhaıd 1 eıs, 3 breıkpen (8 breık-poınt) shekteldi.
ıÝlııa Pýtıntseva fınalǵa shyǵý úshin álemniń 44-raketkasy, ıtalııalyq Elızabetta Kocharettomen talasady. Ol shırek fınalda reıtıngide 49-satydaǵy reseılik Dıana Shnaıderden aılasyn asyrdy – 5:7, 6:4, 6:2.
Eske sala keteıik, budan buryn Elena Rybakınanyń Berlın jarysynyń jartylaı fınalynan tys qalǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).