ASTANA. KAZINFORM – Qazaqstannyń ekinshi, álemniń 105-raketkasy ıÝlııa Pýtıntseva Adelaıda (Aýstralııa) WTA 500 týrnıriniń ekinshi aınalymyna ótti.
Dodany irikteý saıystarynan bastaǵan ıÝ.Pýtıntseva alǵashqy aınalymda álemniń 93-raketkasy, majarstandyq Dalma Galfıge tap keldi.
Qarsylastar osyǵan deıin eki ret kezdesip, onda Pýtıntseva jeńgen edi.
Bul joly eki set te 6:4 esebimen qazaqstandyq tennısshiniń paıdasyna sheshildi.
Saǵat jarymǵa sozylǵan básekede Pýtıntseva 2 eıspen birge 4 breık-poınttyń ekeýin múlt jibermedi. Galfı 4 eıs jasaǵanymen, 2 breık-poıntty paıdalana almady.
ıÝlııa Pýtıntseva shırek fınalǵa shyǵý úshin álemniń 15-raketkasy, amerıkalyq Emma Navarromen talasady.
Taǵy bir qazaqstandyq, reıtıngide 222-oryndaǵy Dmıtrıı Popko Aýstralııa ashyq chempıonatynyń irikteý saıysynda álemniń 113-raketkasy, amerıkalyq Makkenzı Makdonaldqa tartysty matchta jol berdi – 7:6 (7:4), 4:6, 5:7.
Eske sala keteıik, budan buryn Qazaqstannyń tennısten álemdegi úzdik elderdiń qataryna engenin jazǵan edik.
Aleksandr Shevchenko Adelaıda týrnırinde azýly qarsylasyn kambekpen jeńdi.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).