ıÝlııa Pýtıntseva Taılandtaǵy WTA jarysynda jeńilip qaldy

ASTANA. QazAqparat – Qazaqstannyń ekinshi, álemniń 44-raketkasy ıÝlııa Pýtıntseva Hýahın (Taıland) WTA týrnıriniń ekinshi aınalymyna shyǵa almady, dep habarlaıdy QazAqparat tilshisi.

Osy jarystyń ekinshi raketkasy bolyp tirkelgen qazaqstandyq tennısshi alǵashqy aınalymda dúnıejúzilik reıtıngte 160-orynda turǵan ulybrıtanııalyq Hıter Ýotsonmen kezdesti.

Birinshi partııada qazaqstandyq tennısshi 7:5 esebimen basym tústi. Ekinshisinde ulybrıtanııalyq sportshy ese qaıyrdy – 6:4.

Úshinshi, sheshýshi sette H.Ýotson esep 5:3 bolǵan mezette matchqa dop bergenimen, sol múmkindigin paıdalana almady. Biraq taı-breıkte jeńisti julyp aldy – 7:6 (7:5).

Úsh saǵatqa sozylǵan tartysty báseke barysynda ıÝ.Pýtıntseva 1 eıs jasap, 8 breık-poınttyń jeteýin paıdalandy. Qarsylasy 4 eıs, 7 breıkpen (14 breık-poınt) kózge tústi.

Júlde qory 259 myńnan astam AQSh dollaryna baǵalanǵan doda 5 aqpanda márege jetedi.

Eske sala keteıik, budan buryn Aýstralııa chempıonatynda Elena Rybakınanyń eıs jasaýdan rekord ornatqanyn jazǵan bolatynbyz.

Foto: ktf.kz