ıÝlııa Pýtıntseva Rımde álemniń burynǵy birinshi raketkasyn utty

NUR-SULTAN. QazAqparat – Qazaqstandyq, álemniń 40-raketkasy ıÝlııa Pýtıntseva Rım WTA 1000 týrnıriniń úshinshi aınalymyna shyqty, dep habarlaıdy QazAqparat tilshisi.

Jarysty irikteý saıystarynan bastaǵan ıÝ.Pýtıntseva ekinshi aınalymda álemniń burynǵy birinshi, qazirgi 10-raketkasy, «Úlken dýlyǵa» týrnıriniń eki márte jeńimpazy, ıspanııalyq Garbıne Mýgýrýsamen sheberlik baıqasty.

Buǵan deıin qarsylastar ózara eki ret kezdesip, ıspanııalyq tennısshi basym túsken bolatyn.

Bul joly birinshi partııada G.Mýgýrýsa basymdyq tanytty – 6:3.

Ekinshi sette ıspanııalyq sportshy matchqa dop bergende, ıÝ.Pýtıntseva qaırat tanyta aldy – 5:5. Sosyn taı-breıkte tarazy basyn aýdara bildi – 7:6 (7:4).

Úshinshi, sheshýshi partııada qazaqstandyq tennısshi qarqynyn tipti údetti – 6:1.

Eki saǵat 17 mınýtqa sozylǵan match barysynda ıÝ.Pýtıntseva 10 breık-poınttyń teń jartysyn paıdalandy. Qarsylasy 3 eıs, 3 breıkpen (6 breık-poınt) kózge tústi.

ıÝ.Pýtıntseva júlde qory 2,5 mln eýrodan asatyn jarystyń shırek fınalyna shyǵý úshin álemniń 7-raketkasy, Týnıs ókili Ons Jabermen talasady.

Ótken aptada dál osyndaı Madrıd dodasynyń jeńimpazy atanǵan O.Jaber Rımde ekinshi aınalymda aýstralııalyq Aıla Tomlıanovıchti 7:5, 6:2 esebimen utty.

Elena Rybakına úshinshi aınalymda álemniń 29-raketkasy shveıtsarııalyq Hıl Belen Taıhmanmen kortqa shyǵady. Madrıd jarysynda E.Rybakına osy tennısshiden jeńilip qalǵan bolatyn.

Eske sala keteıik, budan buryn Elena Rybakınanyń Rım jarysynyń úshinshi aınalymyna ótkenin, eki qazaqstandyq tennısshiniń Shymkent týrnıriniń shırek fınalyna shyqqanyn jazǵan bolatynbyz.