ıÝlııa Pýtıntseva Osaka týrnırinde juptyq synda da shırek fınalǵa ótti

ASTANA. QazAqparat - Qazaqstandyq ıÝlııa Pýtıntseva Japonııanyń Osaka qalasynda ótip jatqan WTA 250 týrnırinde juptyq synda shırek fınalǵa ótti, dep habarlaıdy QazAqparat tilshisi.

Qazaqstandyq tennısshi reseılik Anna Kalınskaıamen birge bastapqy kezdesýin japonııalyqtar ıÝkı Naıto - Moıýka Ýchıjımamen sátti ótkizdi.

Birinshi partııada japonııalyq jup 6:2 esebimen basym tústi. Ekinshisinde Pýtıntseva men Kalınskaıa ese qaıyrdy - 6:3.

Sodan keıin sýper taı-breıkte jeńisti julyp aldy - 12:10.

Saǵat jarymǵa jýyq ýaqytqa sozylǵan matchta qazaqstandyq-reseılik dýet 1 eıspen birge 4 breık-poınttyń teń jartysyn paıdalana bildi. Japonııalyqtar 2 eıs, 3 breıkpen (8 breık-poınt) kózge tústi.

Osylaısha, ıÝlııa Pýtıntseva bir kúnde eki báseke ótkizip, juptyq synda da shırek fınalǵa shyqty.

Eske sala keteıik, budan buryn ıÝlııa Pýtıntsevanyń Osaka týrnıriniń shırek fınalyna shyqqanyn jazǵan bolatynbyz.