ıÝlııa Pýtıntseva Monreal masters týrnırine shaqyrtý aldy

ASTANA. QazAqparat – Qazaqstannyń ekinshi, álemniń 61-raketkasy ıÝlııa Pýtıntseva Monreal WTA 1000 týrnırine shaqyrtý aldy, dep habarlaıdy QazAqparat tilshisi.

Qazaqstandyq sportshy atalmysh jarystyń irikteý saıystarynyń fınalynda jeńilis taýyp, negizgi dodaǵa qosyla almaǵan edi.

Soǵan qaramastan, chehııalyq Lında Noskova týrnırde oınamaıtyn boldy da, onyń ornyna ıÝ. Pýtıntseva shaqyrtyldy. Qazaqstandyq tennısshi alǵashqy aınalymda álemniń 53-raketkasy, amerıkalyq Bernarda Peramen kortqa shyǵady.

Qazaqstannyń birinshi raketkasy Elena Rybakına jarysty ekinshi aınalymnan bastaıdy. Onyń qarsylasy anyqtaldy. Dúnıejúzilik reıtıngte 584-orynda turǵan amerıkalyq Djennıfer Breıdı kútpegen jerden tartysty matchta álemniń 20-raketkasy, 2017 jylǵy Rolan Garrostyń jeńimpazy, latvııalyq Elena Ostapenkony utyp ketti – 7:6 (9:7), 0:6, 7:6 (10:8).

ıÝ. Pýtıntseva B. Peramen búgin, E. Rybakına D. Breıdımen erteń oınaıdy.

Eske sala keteıik, budan buryn Elena Rybakınanyń álemdik reıtıngte úzdik úshtikten tys qalǵanyn jazǵan bolatynbyz.

Sondaı-aq, Aleksandr Býblık Kanadaǵy masters týrnırinde utylyp qaldy.