ıÝlııa Pýtıntseva Býdapeshte jeńilip qaldy

ASTANA. QazAqparat – Qazaqstannyń ekinshi, álemniń 60-raketkasy ıÝlııa Pýtıntseva Býdapesht WTA 250 týrnıriniń shırek fınalyna shyǵa almady, dep habarlaıdy QazAqparat tilshisi.

Dodanyń 4-raketkasy bolyp tirkelgen qazaqstandyq tennısshi ekinshi aınalymda dúnıejúzilik reıtıngte 88-orynda turǵan amerıkalyq Kler Lıýmen sheberlik baıqasty.

Birinshi partııada amerıkalyq sportshy 6:3 esebimen basymdylyq tanytty.

Ekinshi sette ıÝ.Pýtıntseva 4:0 esebimen alǵa ketkenimen, sol ústemdigin saqtap qala almady. Taı-breıkte K.Lıý jeńisti julyp aldy – 7:6 (10:8).

Eki saǵat 12 mınýtqa sozylǵan tartysty báseke barysynda ıÝ.Pýtıntseva 12 breık-poınttyń beseýin paıdalandy. Qarsylasy 3 eıs, 6 breıkpen (10 breık-poınt) kózge tústi.

K.Lıý jartylaı fınalǵa shyǵý úshin álemniń 83-raketkasy, slovakııalyq Anna-Karolına Shmıdlovamen talasady. Ol reıtıngte 99-satydaǵy germanııalyq Tamara Korpachty tize búktirdi – 4:6, 6:2, 6:3.

Býdapeshte Qazaqstannyń juptyq synda birinshi, álemniń 25-raketkasy Anna Danılınanyń da joly bolmady. Jarystyń 1-raketkasy bolyp tirkelgen A.Danılına norvegııalyq Ýlrıkke Eıkerımen birge reseılik Alena Fomına – ýkraınalyq Valerııa Strahovaǵa jol berdi – 3:6, 6:3, 5:10.

Eske sala keteıik, budan buryn ıÝlııa Pýtıntsevanyń Býdapesht jarysyn sátti bastaǵanyn jazǵan edik.