ıÝlııa Pýtıntseva Býdapesht jarysyn sátti bastady

ASTANA. QazAqparat – Qazaqstannyń ekinshi, álemniń 60-raketkasy ıÝlııa Pýtıntseva Býdapesht (Majarstan) WTA 250 týrnırin jeńispen bastady, dep habarlaıdy QazAqparat tilshisi.

Jarystyń 4-raketkasy bolyp tirkelgen qazaqstandyq tennısshi alǵashqy aınalymda dúnıejúzilik reıtıngte 295-orynda turǵan ýkraınalyq Katerına Volodkomen sheberlik baıqasty.

Básekeni ýkraınalyq tennısshi qarqyndy bastady – 6:1.

Odan keıin ıÝ. Pýtıntseva qarymta qaıtara aldy – 6:2, 6:1. Ol eki saǵatqa jýyq ýaqytqa sozylǵan matchta 2 eıs jasap, 14 breık-poınttyń teń jartysyn paıdalandy. Qarsylasy 5 breıkpen (7 breık-poınt) shekteldi.

ıÝlııa Pýtıntseva shırek fınalǵa shyǵý úshin álemniń 88-raketkasy, amerıkalyq Kler Lıýmen talasady.

Qazaqstandyq tennısshi 2021 jyly Býdapeshte chempıon atanǵan edi.

Eske sala keteıik, budan buryn Aleksandr Nedovesovtiń Shvetsııadaǵy týrnırdiń shırek fınalyna ótkenin jazǵan bolatynbyz.