ıÝlııa Pýtıntseva Ábý-Dabıde AQSh chempıonyn utty

ASTANA. QazAqparat – Qazaqstannyń ekinshi, álemniń 45-raketkasy ıÝlııa Pýtıntseva Ábý-Dabı WTA 500 týrnıriniń ekinshi aınalymyna shyqty, dep habarlaıdy QazAqparat tilshisi.

Negizgi dodaǵa irikteý saıystarynan keıin qosylǵan ıÝ.Pýtıntseva alǵashqy aınalymda álemniń 37-raketkasy, 2019 jylǵy US Open týrnıriniń chempıony, kanadalyq Bıanka Andreeskýmen sheberlik baıqasty.

Birinshi partııada qarsylastar úsh-úshten breık almasty. Taı-breıkte qazaqstandyq tennısshi aıqyn basymdylyq tanytty – 7:6 (7:2).

Ekinshi setti ıÝlııa breıkpen bastady – 2:0. Sodan keıin taǵy bir breık jasap, esepti 4:0-ge jetkizdi. Aqyry matchqa dop bergende, óz múmkindigin jibergen joq – 6:2.

Bir saǵat 40 mınýtqa sozylǵan báseke barysynda qazaqstandyq sportshy 2 eıs jasap, 9 breık-poınttyń beseýin óz esebine jazdy. Qarsylasy 3 eıs, 3 breıkpen (7 breık-poınt) kózge tústi.

ıÝ.Pýtıntseva shırek fınalǵa shyǵý úshin álemniń 14-raketkasy, brazılııalyq Beatrıs Haddad Maııamen talasady.

Qazaqstannyń birinshi, álemniń 10-raketkasy Elena Rybakınanyń da qarsylasy anyqtaldy. Jarysty ekinshi aınalymnan bastaıtyn E.Rybakına reıtıngte 20-oryndaǵy chehııalyq Karolına Plıshkovamen kezdesedi.

Eske sala keteıik, ıÝlııa Pýtıntsevanyń Ábý-Dabıde negizgi týrnırge joldama alǵanyn jazǵan bolatynbyz.

Sondaı-aq qazaqstandyq 14 jasar tennısshi Barselonadaǵy jarystyń jeńimpazy atandy.