ıÝlııa Galysheva: Jeńistiń dámin endi sezinip jatyrmyn

ALMATY. QazAqparat - Almatyda qysqy olımpıadanyń qola júldegeri ıÝlııa Galysheva Pchenhchandaǵy dúbirli sport dodasynan keldi, dep habarlaıdy QazAqparat tilshisi.

Júldegerdi kútip alýǵa sport mektebiniń túlekteri,  Sport qoǵamynyń músheleri, Sport akademııasynyń stýdentteri, 2010 jylǵy qysqy Olımpıadanyń kúmis júldegeri Elena Hrýstaleva keldi.

«Meni jaqyndarym ǵana emes, búkil týǵan jerim qoldaǵanyna qýanyshtymyn. Jeńistiń dámin qazir sezinip jatyrmyn. Meni osy ýaqytqa deıin sonsha beınekamera túsirmepti. Bul medal men úshin óte mańyzdy. Úıimniń tórine ilip qoıamyn», - dedi frıstaıl mogýlshy qyz.

ıÝlııa Galysheva qola júldesi altynǵa para-par ekendigin jetkizdi.

«Ókinish joq. Kórsetken ónerime saı baǵa aldym. Qarsylastarymmen 8 jyldan beri birge jumys jasap kelemiz. Іshtarlyq, qyzǵanysh degen bolmady»,- dedi ol.

Sportshysynyń jeńisin bapkeri de joǵary baǵalady.

«Galysheva jeńiske áýel bastan daıyn boldy. Úshinshi oryn - altyn emes árıne, biraq kelesi Olımpıadada ıÝlııa jaqsy nátıje kórsetetinine senim mol», - dedi Elena Krýglyhına. 

Aıta ketý kerek, mogýlshy qyzdar Almatyda biraq kún bolady da, Japonııa, Shveıtsarııa, Frantsııa elderindegi Álem kýbogynyń kezeńderine attanady.

ıÝlııa Galysheva jalpy esepte 5-shi bolyp tur.

Al shańǵy akrobatıkasynyń ókilderi ókinishke oraı medal ala almady.
Qazaqstan atynan qyzdar arasynda frıstaıl-akrobatıkadan Janbota Aldabergenov, Aqmarjan Qalmurzaeva, Marjan Aqjigit jáne Aıana Joldas synǵa túsken edi. Birinshi irikteý kezeńiniń qorytyndysy boıynsha Aldabergenova 12-oryn (81.07 upaı), Aqjigit 14-oryn (79.17 upaı), Qalmurzaeva 21-oryn (58.58), Joldas 23-oryn (51.01) ıelendi. Bul synda joly bolmaǵandarǵa ekinshi múmkindik beriledi. Ekinshi irikteý kezeńinde Aldabergenova 85,36 upaı alyp, 7-oryndy enshiledi. Marjan Aqjigit 70,20 upaımen 12-orynǵa taban tiredi, al Aqmarjan Qalmurzaeva 16-oryn (47.32), Aıana Joldas - 18-orynǵa (57.98) turaqtady.