ıÝlııa Galysheva: Jarysty daıyndalǵan deńgeıimde ótkize almadym

NUR-SULTAN. QazAqparat – Frıstaıl-mogýldan Olımpıada oıyndarynyń qatysýshysy ıÝlııa Galysheva óziniń sporttyq mansaby týraly suraqtarǵa jaýap berdi, dep habarlaıdy QazAqparat.

Buǵan deıin sportshy Instagram jelisinde jankúıerlerine sporttyq mansaby jolynda birge bolǵany úshin alǵys aıtqan bolatyn.

«Bul meniń ómirimniń eń úlken bólshegi boldy. Men mansabymdy aıaqtaımyn dep aıtpadym. Jankúıerlerime jáne dál osy kúnge deıin osy joldan birge ótken barlyq adamǵa alǵysymdy bildirdim», - dep túsindirdi ıÝlııa Galysheva.

Sportshy oıynnan keıingi áserleri jóninde aıtyp berdi.

«Sol kezdegi emotsııalarym, ne úshin renjýli bolǵanym túsinikti ǵoı. Ózim daıyndalǵan deńgeıde syrǵanaýdy sońyna deıin jetkize almadym. Bir nárse kedergi boldy dep te aıta almaımyn. Munda eshkimniń kinási joq. Tek ózim kinálimin», - dedi frıstaılshy.

Aıta keteıik, ıÝlııa Galysheva el qorjynyna medal ákeledi dep úmit etilgen bolatyn. Ókinishke qaraı otandasymyz 2018 jyly Ońtústik Koreıanyń Phenchhan qalasynda ótken Olımpıadadaǵy jetistigin qaıtalaı alǵan joq. Ol onda bir qola medal jeńip alǵan edi.

Frıstaıl-mogýldan Qazaqstan quramasynyń bas bapkeri Elena Krýglyhına jankúıerlerden keshirim surady.