ıÝlaı Shamıoǵlý: Abaıdyń shyǵarmashylyǵyn zertteýde qoldan kelgenniń bárin isteımin

NUR-SULTAN. QazAqparat – Elordada onlaın formatta ótken «Abaı jáne adamzattyq gýmanızm» atty halyqaralyq forýmda Nazarbaev ýnıversıtetiniń Qazaq tili jáne túrkitaný kafedrasynyń meńgerýshisi, professor ıÝlaı Shamıoǵlý Abaıdyń shyǵarmashylyǵyn zertteýge kóp kóńil bóletinin aıtty, dep habarlaıdy QazAqparat tilshisi.

«Bizdiń kafedra Abaıtanýmen belsendi túrde aınalysamyz. Bizdiń oqytýshylar, professorlar Abaıdyń shyǵarmashylyǵyna kóp kóńil bóledi. Qudaı qalasa, taǵy da basqa professorlardy jumysqa alyp, qazaq ádebıeti boıynsha taǵy bir sabaq ashqym keledi. Abaı – qazaq órkenıetiniń aınasy. Nazarbaev ýnıversıteti, sonyń ishinde bizdiń kafedra Abaı shyǵarmashylyǵyn nasıhattap kelemiz», - deıdi Nazarbaev ýnıversıtetiniń Qazaq tili jáne túrkitaný kafedrasynyń meńgerýshisi, professor ıÝlaı Shamıoǵlý.

Ol Amerıka jáne Eýropada oqyǵan túrkitanýshy retinde Abaıdy halyqaralyq kózqaras turǵysynan qalaı zertteýge bolatyny týraly maǵlumat jınap júrgenin aıtty.

«Men abaıtanýshy emespin, biraq Abaıdyń shyǵarmashylyǵyna qatysty halyqaralyq ǵylymı qaýymdastyqtardyń esigin ashý úshin qoldan kelgenniń bárin isteımin. Bul forýmǵa qatysýshylarǵa zor alǵys aıtamyn», - dedi ol.

Qazaq halqynyń uly aqyny Abaı Qunanbaıulynyń 175 jyldyq mereıtoıyna arnalǵan forým Nazarbaev Ýnıversıtetinniń Rýhanı jańǵyrý mádenı ortalyǵy men Nazarbaev ýnıversıtetiniń Qazaq tili jáne Túrkitaný kafedrasynyń uıymdastyrýymen ótti.

Foto: islam-portal.ru