Ystyqkólde TMD jáne EAEO elderi jastarynyń forýmy ótedi

ShOLPAN-ATA. QazAqparat - 2022 jylǵy 25-26 tamyzda Qyrǵyzstan Respýblıkasy Ystyqkól oblysynyń Sholpan-Ata qalasy «Rýh Ordo» mádenı ortalyǵynda Eýrazııalyq úkimetaralyq keńes otyrysyna oraılastyrylǵan TMD jáne EAEO elderi jastarynyń «Kelechek» (Keleshek) atty forým ótedi, dep habarlaıdy QazAqparat.

Atalǵan sharaǵa 200-den astam jas kásipkerler, memlekettik qyzmetshiler, kreatıvti jastar qoǵamdastyǵynyń ókilderi, jas dıplomattar qatysady.

Sondaı-aq, Eýrazııalyq ekonomıkalyq odaq (EAEO) jáne Táýelsiz Memleketter Dostastyǵy (TMD) elderinen stýdentter keledi dep kútilýde.

Forýmnyń maqsaty - múshe memleketterdiń yntymaqtastyǵyn odan ári damytý jáne eýrazııalyq ıntegratsııa ıdeıasyn tanymal etý. Shara jastardyń ózara is-qımylyn keńeıtýge, bastamalardy iske asyrý úshin jańa múmkindikter jasaýǵa jáne jas urpaqtyń qoǵamdyq jáne kásibı turǵydan ózin-ózi tanytýǵa baǵyttalǵan.

Forýmnan kútiletin taǵy bir jaıt jastardyń EAEO elderi Úkimetteri basshylarynyń orynbasarlarymen, EEK alqasynyń tóraǵasy Mıhaıl Mıasnıkovıchpen jáne atqarýshy komıtettiń tóraǵasy, TMD atqarýshy hatshysy Sergeı Lebedevpen kezdesýi josparlanǵan.

Jastar forýmynyń spıkerleri arasynda – Qyrǵyzstan Respýblıkasynyń Mádenıet, aqparat, sport jáne jastar saıasaty mınıstri Azamat Jamanqulov, EEK Integratsııa jáne makroekonomıka mınıstri Sergeı Glazev, Reseı-Qyrǵyz damý qorynyń basqarma tóraǵasy Artem Novıkov, Armenııa Respýblıkasy Bilim, ǵylym, mádenıet jáne sport mınıstriniń orynbasary Artýr Martırosıan, Belarýs Respýblıkasy Bilim mınıstriniń orynbasary Aleksandr Kadlýbaı, ǵylym jáne joǵary bilim mınıstriniń orynbasary Natalıa Bocharova, Reseı Federatsııasy Ekonomıkalyq damý mınıstriniń orynbasary Dmıtrıı Volvach, «Opora Rossıı» jalpyreseılik shaǵyn jáne orta kásipkerlik qoǵamdyq uıymynyń vıtse-prezıdenti Edýard Omarov, Qazaqstan Respýblıkasy «Atameken» ulttyq kásipkerler palatasy basqarma tóraǵasynyń orynbasary Tımýr Jarkenov, Eýrazııa halyqtary Assambleıasynyń Bas hatshysy Andreı Belıanınov bar.

Odan bólek, ýnıversıtet rektorlary men EAEO elderiniń qoǵamdyq, iskerlik jáne jastar uıymdarynyń basshylary spıker retinde qatyspaq.

Jastar forýmy baǵdarlamasynda trenıngter, jas kásipkerlerge sheberlik sabaqtary jáne kelesi sessııalardy ótkizý qarastyrylǵan:

SNG jáne EAEO jastary. Jas kadrlar rezervin qalyptastyrý perspektıvalary;

TMD, EAEO, SNG jáne Iran: Eýrazııamen yntymaqtastyqty damytý paradıgmasy;

TMD-daǵy halyqaralyq jastar yntymaqtastyǵy: jastarǵa arnalǵan perspektıvalar;

TMD jáne EAEO elderi jastary kásipkerligi úshin ekonomıkalyq ıntegratsııanyń múmkindikteri;

TMD men EAEO-da jastar kásipkerligin damytýdaǵy venchýrlyq ınvestorlardyń, bıznes-akseleratorlar men bıznes-perishtelerdiń róli;

Jastar men ınnovatsııalar: daǵdylar, kásipter, TMD men EAEO-nyń tehnologııalyq serpilisine arnalǵan ınfraqurylym;

TMD men EAEO kreatıvti ındýstrııalary-ekonomıkany damytý draıverleri, jastardyń ósý núkteleri;

Eýrazııalyq jastardy biriktiretin ıdeıalar;

Integratsııanyń áleýmettik-gýmanıtarlyq ólshemi: TMD-nyń jalpy ǵylymı bilim berý keńistiginiń bolashaǵy.

Jastar forýmynyń jumysy týraly habar taratatyn aqparattyq seriktester:

- «Kabar» (KNIA) qyrǵyz ulttyq aqparat agenttigi;

- SPUTNIK Qyrǵyzstan aqparat agenttigi jáne radıosy;

- qoǵamdyq teleradıohabar taratý korporatsııasy (KTRK);

- Bırınchı radıosy;

- 24.kg;

- «MIR» MTRK;

- «Armen-press» aqparattyq agenttigi;

- BelTA aqparattyq agenttigi;

- «Habar 24» telearnasy;

- «QazAqparat» halyqaralyq aqparat agenttigi.