Ystanbulda joıqyn jer silkinisi boldy

YSTANBUL. Anadoly - QazAqparat – 26 qyrkúıekte Ystanbulda jergilikti ýaqytpen 13:59-da joıqyn jer silkinisi boldy. Zilzalanyń magnıtýdasy 5,8. Jer dúmpýi Ystanbulda jáne oǵan jaqyn aýdandarda sezildi, dep habarlaıdy QazAqparat Anadolu agenttigine silteme jasap.

Ystanbul provıntsııasy gýbernatory ákimshiliginiń málimetinshe, qaladaǵy tótenshe jaǵdaılar jáne qutqarý qyzmetterine qıraǵan ǵımarattarǵa qatysty habarlar kelip túspegen.

Qazir atalǵan mekemeler men qyzmetter jer silkinisi keltirgen shyǵyn kólemin eseptep jatyr.

«Tótenshe jaǵdaılarda is-qımyldy úılestire jónindegi ortalyq (AKOM) jaǵdaıdy baqylap otyr, jer silkinisi kezinde qaza tapqan nemese múlkine zaqym kelýge qatysty málimet kelip túsken joq», dep málim etti qala meri Ekrem Imamoglý.