Ystanbulda Túrki kınosynyń aptalyǵy ótedi

YSTANBUL. QazAqparat - Túrkııada ekinshi qazanda Túrki kınosynyń aptalyǵy bastalady, dep habarlaıdy Anadoly agenttigi.

Túrki kınosynyń aptalyǵy Túrki álemi kınematografshylar odaǵy men Eýrazııa mádenıet jáne óner qaýymdastyǵynyń uıymdastyrýymen jáne Túrkııanyń mádenıet jáne týrızm mınıstrligi Kınematografııa máseleleri basqarmasy, sondaı-aq Ystanbul mýnıtsıpalıtetiniń qoldaýymen ótedi.

Іs-shara aıasynda 10 eldiń on fılmi kórsetiledi.

Іs-sharanyń maqsaty - kıno salasyndaǵy jańa talanttardy ashý, osy saladaǵy kásibıler arasyndaǵy yntymaqtastyqty damytý.

Túrki kınosynyń aptalyǵy sheńberinde Kervan 1915 («Kerýen 1915») túrik fılmi, sondaı-aq  alaı qyrǵyzdary  bıleýshisiniń ómiri men qyzmeti týraly «Qurmanjan Datqa» qyrǵyz fılmi kórsetiledi.

Budan bólek, túrki kınosynyń áýesqoılary «Anaǵa aparar jol» Qazaqstan dramasyn, Büyük Ayı Eterah fılmin (Bashqurtstan), Molla (Tatarstan), İslam Hoca (Ózbekstan), Mankurt (Túrkimenstan), İntikam Almadan Ölme (Ázerbaıjan), Avcı (Hakasııa), Kral Kuşu (ıAkýtııa) fılmderin kóre alady.

Túrki kınosynyń aptalyǵy qazan aıynyń altysyna deıin jalǵasady.