Ystanbulda IÁU Jastar forýmynyń IV Bas assambleıasy ótýde

YSTANBUL. ANADOLÝ-QazAqparat – Túrkııanyń Ystanbul qalasynda eki kúndik Islam Áriptestik Uıymy Jastar forýmynyń IV Bas assambleıasy óz jumysyn bastady. Bul týraly QazAqparat Anadoly agenttigine silteme jasap habarlaıdy.

Shara barysynda IÁU Jastar forýmynyń basshysy Taha Aıhan uıym múshelerine forýmnyń jumysy men strategııasy týraly baıandama usyndy.

Bas assambleıaǵa IÁU-ǵa múshe 56 eldiń ókilderi qatysyp jatyr. Talqylanatyn taqyryptar arasynda Islam Áriptestik Uıymynyń jastar strategııasy, jastardy damytý, elder ekonomıkasyn nyǵaıtý, sonymen qatar mádenıet, óner, sport, qorshaǵan orta máseleleri bar. Bas assambleıa óz jumysyn beısenbi, 26 tamyzda aıaqtaıdy.