Ystanbul: Lańkespen shatastyrylǵan Túrkimenstan azamaty soqqyǵa jyǵyldy

ASTANA. QazAqparat - Ystanbul aýdandarynyń birinde Túrkimenstan azamaty jańa jyl túninde túngi klýbta 39 adamdy atyp óltirgen terrorshymen shatastyrylyp, soqqyǵa jyǵyldy, dep habarlaıdy QazAqparat «RIA Novostı» agenttigine silteme jasap.

Túrkııa megapolısindegi Reina túngi klýbyna shabýyl jańa jyl túninde jasaldy. Avtomatpen qarýlanǵan lańkes klýbty kúzetip turǵan polıtseıdi atyp, onyń ishinde bolǵan 700 adamǵa qarsy oq jaýdyra bastaǵan. Túrkııa ІІM deregine súıensek, 39 adam qaza taýyp, 69-y jaraqat aldy. Lańkesti izdestirý sharalary jalǵasýda. Reıter agenttiginiń málimetteri boıynsha, atalǵan teraktini «Islam memleketi» uıymy  (Qazaqstanda tyıym salynǵan) óz moınyna aldy.

Agenttiktiń málimetinshe, Pendık aýdanynyń turǵyndary Túrikmenstan azamaty K.M.-dy jańa jyl túni Reina klýbyna shabýyl jasaǵan terrorıstpen shatastyryp, qolǵa túsirgen. Týrıst qashpaq bolǵanymen, qaıta ustalyp, soqqynyń astyna alyndy.

Dalba-dulbasy shyqqan týrıst polıtsııa bólimshesine jetkizildi. Biraq onyń álgi terrorıst emes ekendigi anyqtaldy. Sheteldikter isteri boıynsha jergilikti basqarma atalmysh azamattyń vızasynyń merzimi ótip ketkendigin anyqtap, ony jaqyn arada deportatsııalaý sheshimi qabyldandy.