Iodtalǵan tuz eksporty 81,4% ósti

ASTANA. QazAqparat – Qazaqstan ıodtalǵan tuz eksportyn 81,4% arttyrdy, dep habarlaıdy QazAqparat Uttyq statıstıka bıýrosanya silteme jasap.

Ondaǵy málimetterge qaraǵanda, 2022 jylǵy qańtar-qarashada Qazaqstanda 288,1 myń tonna ıodtalǵan tuz óndirildi, bul 2021 jyldyń sáıkes kezeńimen salystyrǵanda 55,9%-ǵa kóp.

Óndiristiń ósýimen eksport kólemi de ósti. Máselen, ótken jyldyń 11 aıynda 248 myń tonna tuz eksporttalsa, 2021 jyly 136,7 myń tonna tuz syrtqa shyǵarylǵan.

Osylaısha, ósim 81,4%-dy qurady.

Bul rette syrttan 28,8 myń tonna tuz ımporttaldy, bul 2021 jyldyń sáıkes kezeńimen salystyrǵanda 0,7%-ǵa az. Ózge elden ákelinetin ónimniń úles salmaǵy – 9,1%.

«2022 jyldyń 11 aıynyń qorytyndysy boıynsha ishki naryqta ıodtalǵan tuzdyń 68,9 myń tonnasy satyldy»,-delingen habarlamada.