«Yntymaqtastyqqa óris keń» - baspasózge sholý
***
«Egemen Qazaqstan» gazetiniń jazýynsha, keshe Astanada Qazaqstan-Lıtva kásipkerleriniń bıznes-forýmy bolyp ótti. Forýmnyń ashylýyna Qazaqstan Respýblıkasynyń Premer-Mınıstri Kárim Másimov pen Lıtva Respýblıkasynyń Premer-mınıstri Algırdas Býtkıavıchıýs qatysty. Іs-sharany Qazaqstan Respýblıkasynyń Investıtsııalar jáne damý mınıstrligi men «KAZNEX INVEST» AQ uıymdastyrdy. Eki eldiń arasyndaǵy ınvestıtsııalyq-ónerkásiptik yntymaqtastyq baǵdarlamasyn talqylaý jónindegi kelissózderdiń kezekti kezeńinde ótip otyrǵan bul bıznes-forýmǵa Qazaqstan men Lıtvanyń memlekettik basqarý organdarynyń, kásiporyndary men uıymdarynyń, damý ınstıtýttary men bıznes qurylymdarynyń 200-den astam ókilderi qatysty. Forýmnyń ashylýyna oraı sóılegen sózinde Qazaqstan Úkimetiniń basshysy Kárim Másimov bizdiń elimizdiń Eýropalyq odaqqa shyǵar jolyndaǵy Lıtvanyń kóliktik ınfraqurylymdaryn paıdalanýǵa múddeli ekendigin jetkizdi. Kólik dálizi retindegi onyń bizge beretin múmkindikterin atap kórsetti. «Qazaqstan úshin Lıtvanyń ózine, onyń kóliktik ınfraqurylymdaryna ınvestıtsııalar salý, bul eldiń porttarymen jumys isteý mańyzdy bolyp tabylady. Sondaı-aq, biz Eýropalyq odaqqa óz ónimderimizdi eksporttaý úshin Lıtva aýmaǵynan kásiporyndar qurýdyń múmkindigin paıdalanǵymyz keledi», - dedi óziniń sózinde Qazaqstan Premer-Mınıstri. Bul jaıynda «Yntymaqtastyqqa óris keń» degen maqalada tolyq berilgen.
Bas basylymda «Ekonomıkalyq salada ilgerileýshilik baıqalady» atty maqala kópshilik nazaryna usynylyp otyr. Keshe Premer-Mınıstrdiń orynbasary Berdibek Saparbaev Ońtústik Qazaqstan oblysyna jumys saparymen keldi. Vıtse-premer bıylǵy aqpan aıynda ashylǵan Shymkent qalalyq №1 balalar aýrýhanasynyń jumysymen tanysty. Úkimet basshysynyń orynbasary aýrýhananyń májilis zalynda oblystaǵy bilim berý, densaýlyq saqtaý, mádenıet jáne sport salasynyń qyzmetkerlerimen kezdesti.
- Álemdi qansha ret daǵdarys qyspaǵyna alyp, myqty memleketterdiń kóbi taryǵyp jatqan kezeńniń ózinde Elbasy densaýlyq saqtaý, bilim, mádenıet jáne sport salasyna bólinetin qarjyny eselep keledi, - dedi Berdibek Máshbekuly. - Óıtkeni, Qazaqstanǵa deni saý, bilimdi, mádenıetti urpaq kerek. Máselen, Ońtústikte densaýlyq saqtaý salasyna 90,3 mlrd. teńge bólinip, ótken jyldardan 8,3 paıyzǵa artqandyǵy memlekettiń «Salamatty Qazaqstan» baǵdarlamasyn túbegeıli oryndaýǵa baǵyt ustaǵandyǵyn ańǵartady.
***
«Aıqyn» gazetiniń jazýynsha, elimizdegi eń jemqor organ... Árıne, ákimdikter. Resmı málimet kórsetkendeı, sońǵy tórt jylda oryn alǵan sybaılas jemqorlyq oqıǵalarynyń jartysyna jýyǵy osy organǵa tıesili eken. Al odan keıingi ekinshi orynǵa qylmysqa qarsy kúresýge mindetti Іshki ister mınıstrligi shyqsa, úshtikti Aýyl sharýashylyǵy mınıstrligi túıindep tur. Keshe Astanada ótken «Nur Otan» partııasy janyndaǵy Sybaılas jemqorlyqqa qarsy is-qımyl boıynsha Respýblıkalyq qoǵamdyq keńestiń kezekti otyrysynda 2015-2025 jyldarǵa arnalǵan Sybaılas jemqorlyqqa qarsy is-qımyl baǵdarlamasyn iske asyrý jaıy talqyǵa tústi. Jıyn barysynda 2011-2015 jylǵy baǵdarlamanyń oryndalýyndaǵy kemshilikter saraptalyp, paraqorlyq dendegen salalardyń tarapyna ótkir syndar aıtyldy. Bul jaıynda «Jemqorlyqpen kúrestiń jańa kezeńi» atty maqaladan oqı alasyzdar. Osy basylymda «GGG kimmen judyryqtasady?» atty maqala berilgen. Qazaqstandyq kásipqoı boksshy, WBA (Super), WBC (Interim) jáne IBO nusqalary boıynsha orta salmaq dárejesindegi álem chempıony Gennadıı Golovkınniń bedeli kún sanap artyp keledi. Búgingi tańda maıtalman mamandar men ataqty sportshylardan bastap, qatardaǵy qarapaıym jankúıerlerge deıin otandasymyzdyń atyna jyly-jyly lebiz bildirip, GGG-niń bolashaǵy zor ekenin aıtýdan jalyǵar emes. «Rasynda da, Gena qandaı da qurmetke laıyq. Qazirgi kezde onyń dáýiri júrip tur. Alaıda bul jigitke bosańsýǵa esh bolmaıdy. Sebebi GGG-men salmaǵy shamalas boksshylar arasynda basqa da myqtylar bar. Sony da qaperge alǵan jón. Máselen, qazir kópshilik Golovkınniń Floıd Meıvezer, Andre Ýord nemese Mıgel Kotto syndy serkelermen judyryqtasqanyn qalaıdy. Onyń syrtynda Saýl Alvares, Erıslandı Lara, Karl Froch, Demetrıýs Andrade, Matveı Korobov, Hýlıo Sezar Chaves jáne Endı Lı sekildi dúleı kúsh ıeleri bar. Bulardyń barlyǵy da ózderiniń myqtylyǵyn áldeqashan moıyndatqan saqa sportshylar. Kúni keshe ǵana amerıkalyq Darnell Býn esimdi erjúrek Golovkınmen kúsh synasqysy keletinin málimdedi. Ol da osal jigit emes. Kezinde AQSh boksshysy Kanadanyń «qara marjany» Adonıs Stıvensondy ońdyrmaı sabap, aqyry esinen tandyryp tynǵan bolatyn. Biraq esimderi atalǵan boksshylardyń kóbi kóptegen syltaýdy jeleý etip, Golovkınmen jekpe-jekke shyǵýdan bas tartýda. Sol sekildi túrli sebepterge baılanysty keıbireýimen kúsh synasýdyń reti kelmeı júrgenin de aıta ketýge tıispiz», - dep jazady maqala avtory. *** «Ekspress-K» gazetiniń sońǵy sanynda «Na tamojne mnogo mojno?» degen materıal basyldy. Óz isine adal emes kedendik beketterde paranyń somasy aıyna 3 mln. dollarǵa deıin jetedi. Bul jaıynda «Nur Otan» partııasy janyndaǵy Jemqorlyqqa qarsy is-qımyl respýblıkalyq qoǵamdyq keńesiniń otyrysynda Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Qaırat Qojamjarov aıtty.
«Elimizdiń shekarasy perımetri boıynsha sybaılas jemqorlyqtyń júıeli kórinisin eńsere almaı kelemiz. Sońǵy aılarda birqatar qylmystyń beti ashyldy. Qazirgi kezde tergeý amaldary júrip jatyr. Atap aıtqanda, para kólemi qomaqty bolmasa da, ol búginde júıeli sıpatqa ıe bolyp otyr», - dedi Q. Qojamjarov
***
«Kazahstanskaıa pravda» gazetinde «Dana vysokaıa otsenka» degen maqala jarııalandy. Prezıdent janyndaǵy Adam quqyqtary jónindegi komıssııanyń «Qazaqstan Respýblıkasyndaǵy adam saýdasyna qarsy is-qımyl salasyndaǵy adam quqyqtaryn qorǵaýdyń ózekti problemalary» atty arnaýly baıandamasynyń halyqaralyq tanystyrylymy ótti. Tanystyrylym barysynda Memlekettik hatshy Gúlshara Ábdiqalyqova Komıssııa baıandamasynyń biregeıligin atap ótti jáne quqyq qorǵaý organdarynyń úkimettik emes uıymdarmen adam saýdasyna qarsy kúres salasyndaǵy ózara is-qımylyn jetildirýge, sondaı-aq, trafık qurbandaryna arnaıy áleýmettik qyzmet kórsetýge baǵyttalǵan usynymdarǵa nazar aýdardy.
Sarapshylar Adam quqyqtary jónindegi komıssııanyń arnaýly baıandamasyna joǵary baǵa berdi jáne ondaǵy usynymdardyń Úkimet pen Parlament tarapynan naqty iske asyryla bastaǵanyn aıtty.
Baıandamanyń tanystyrylymyna ortalyq memlekettik organdardyń basshylary, zań shyǵarýshy, atqarýshy jáne sot bıligi organdarynyń, quqyq qorǵaý organdarynyń ókilderi, quqyqtanýshy-ǵalymdar, Qazaqstanda tirkelgen halyqaralyq uıymdar men dıplomatııalyq ókildikterdiń basshylary, advokatýra, notarıat, bilim jáne ǵylym, densaýlyq saqtaý, mádenıet, bıznes jáne buqaralyq aqparat quraldary ókilderi qatysty.