«Ymmen túsinýshilik» joly tyıylady» - baspasózge sholý

ASTANA. 11 maýsym. QazAqparat - «QazAqparat» agenttigi respýblıkalyq basylymdarda 11 maýsym, seısenbi kúni shyqqan ózekti materıaldarǵa sholýdy usynady.

***

«Elbasy Nursultan Nazarbaevtyń Tashkentke sapary barysynda halqymyzdyń uly perzenti Abaıǵa eskertkishtiń ashylatyny týraly keshe Qazaqstan Prezıdenti janyndaǵy Ortalyq kommýnıkatsııalar qyzmetiniń dástúrli brıfınginde onyń resmı ókili Altaı Ábıbýllaev málim etti», - dep jazady «Egemen Qazaqstan» gazeti búgingi sanyndaǵy «Ymmen túsinýshilik» joly tyıylady» degen taqyryptaǵy maqalasynda. Basylymnyń atap ótýinshe, Tashkenttegi ke­lis­sózderdiń qorytyndysy boıyn­sha Qazaqstan men Ózbekstan ara­syndaǵy birqatar úkimetaralyq ekijaqty kelisimderge qol qoıý qa­ras­tyrylyp otyrǵany da má­lim boldy. Sonymen qatar, El­ba­sy osy saparynda Qazaqstan Res­­pýb­lıkasynyń Ózbekstan Res­pýb­lıkasyndaǵy elshiliginiń jańa ǵımaratynyń ashylý rásimine qatysady dep kútilýde eken.

«Egemen Qazaqstan» gazetiniń jazýynsha, London Joǵarǵy sotynan keıin qazaqstandyq olıgarh Muhtar Ábilázovtiń isi Irlandııada da myqtap qolǵa alyna bastady. Qazir Eýropada qashqyn bankırdiń isi boıynsha sot tergeýleri júrip jatyr. «Osy tustan bastap onyń halyqaralyq deńgeıge jetkizgen alaıaqtyq syzbasynyń qıturqysyn zertteýge ırland bıligi de qosyldy. Budan birer kún buryn munda Qazaqstannyń BTA bankinen zań­syz jolmen aktıvterdi off­shor­lyq aımaqqa alyp ketý úshin ashylǵan birqatar kompa­nııa­lardyń is-áreketteri tekse­riletini belgili boldy. Osy alaıaq­tyqtyń basty uıym­das­ty­rýshysy retinde Latvııa­nyń bir top azamattary qaras­tyryldy», - delingen basylymdaǵy «Ábilázovtiń sońǵy offshory» degen taqyryptaǵy maqalada.

***

«Aıqyn» gazetiniń jazýynsha, aýsyl aýrýynyń shyǵýynan Shyǵys Qazaqstan oblysyndaǵy eki aýyl aýmaǵynda 800-den astam iri qara joıylady. Oshaqqa karantındik shekteýler jarııalanyp, beketter qoıylyp, aýyl sharýashylyǵy maldarynyń jáne mal ónimderiniń qozǵalysy toqtatylǵan. Karantındik sharalar júrgizilip, 1 avtokólik DÝK, 1 ekskavator jáne 1 tıeýshi jumyldyrylǵan. Buryndary habarlanǵandaı, mamyr aıynda aýsyl aýrýy Úrjar aýdanynda tirkelip, onda 1,3 myń bas iri qara mal joıylǵan. Bıylǵy 4 maýsymda Tarbaǵataı aýdanynda 40 bas iri qara maldan aýsyl aýrýynyń klınıkalyq belgileri anyqtaldy.

***

«10 jyly ishinde Ulttyq biryńǵaı testileýden 1,3 mılıonnan astam adam ótti, bul barlyq túlekterdiń shamamen 80 paıyzyn quraıdy», - dep jazady «Lıter» gazeti «Posle ballov» degen taqyryptaǵy maqalasynda. Basylymnyń atap ótýinshe, bul jaıynda keshe eksklıýzıvti suhbat bergen QR Bilim jáne ǵylym mınıstri Baqytjan Jumaǵulov málim etken. Onyń atap ótýinshe, túlekterdiń 34 paıyzy «Altyn belgige» laıyq ekendikterin dáleldegen. 7 túlek 125 ball, al 11 myńnan astam túlek 100 baldan joǵary jınaǵan.

***

«Vremıa» gazetiniń búgingi sanyndaǵy «Shtrafnoı mınımým» degen taqyryptaǵy maqalada Atyraý oblysynyń Isataı aýdanynda eki munaı qubyrynyń apatqa ushyraǵandyǵy jazylǵan. Basylymnyń atap ótýinshe, apat saldarynan 3,2 sharshy metr jerge munaı tógilgen. Aýdandyq prokýratýra ekologııa kelgen shyǵyndy eseptedi. Olardyń boljamynsha, «EmbiMunaıGaz» kompanııasynan shamamen 4 mln. teńgeni memleket paıdasyna óndirip alý qajet.