Ylǵal únemdeıtin tehnologııany qarqyndy engizý kerek – senator

ASTANA. QazAqparat - Senator Janbolat Jórgenbaev Qarasaı aýdanyndaǵy «Úshqońyrırrıgatsııa» memlekettik sý sharýashylyǵy kommýnaldyq kásipornynda sala mamandarymen jáne fermer sharýashylyǵynyń ókilderimen kezdesti, dep habarlaıdy QazAqparat QR Parlamenti Senatynyń baspasóz qyzmetine silteme jasap.

Baspasóz qyzmetiniń habarlaýynsha, senator kezdesý barysynda sý paıdalanýshylardyń jaǵdaıymen tanysyp, sala sarapshylarynyń pikirin tyńdady. Mamandar aýdandaǵy agrarlyq salanyń negizgi problemalyq máselelerin, onyń ishinde sýarý jelileriniń tozýy men isten shyǵýyna qatysty taqyryptardy kóterdi.

Senator Jambyl aýdanyndaǵy «Sorbulaq» sýarmaly alqabyndaǵy sý sharýashylyǵy mamandarymen de kezdesti.

Fermerler depýtatqa Sorbulaq kólinde sý jınaý máselesi týraly aıtyp berdi. Jazǵy kezeńde qalanyń sarqyndy sýy «Qos Rýh» arnasy arqyly Іle aýdanyndaǵy 3,5 myń ga jerin sýarý úshin, sondaı-aq «Sorbulaq» sý qoımasynan sorǵy stantsııalary arqyly Jambyl aýdanyndaǵy 2,5 myń ga jerdi sýarý úshin paıdalanylady. Ósimdikterdiń ósip-óný kezeńinde sý qoımasyna keletin sý kólemi burynǵy qalpynda bolady jáne kóldegi sý kólemi ǵana azaıady.

Sarapshylardyń pikirinshe, eger bul másele sheshilse, bul ónimniń ónimdiligi artady jáne ýaqyt únemdeledi.

«Bul aýqymdy másele. Osyǵan baılanysty Ekologııa mınıstrliginiń Tabıǵatty qorǵaý retteý komıteti sýarýǵa sarqyndy sýdy paıdalanýdy esepteý ádistemesin ázirleý jóninde josparly jumys júrgizýi tıis. Bizdiń mindetimiz – sýarmaly jerlerdiń aýmaǵyn ulǵaıtý, ylǵal únemdeıtin tehnologııany qarqyndy engizý bolyp tabylady. Memleket fermerlerge sýbsıdııalar men nesıeleýdiń tıimdi sharttaryn usynyp otyr. Bul múmkindikti tıimdi paıdalanýymyz kerek», - dedi Janbolat Jórgenbaev.