Yqylas, nıetińiz úshin rahmet - Dımash QR Prezıdentine alǵys aıtty

ALMATY. QazAqparat - Tanymal qazaqstandyq ánshi Dımash Qudaıbergen Qazaqstan Prezıdenti Qasym-Jomart Toqaevqa qoldaý kórsetkeni úshin alǵys bildirdi, dep habarlaıdy QazAqparat tilshisi.

Dımash Instagram paraqshasynda mynadaı jazba qaldyrdy: «Yqylas, nıetińiz úshin, asa zor qurmetińiz úshin kóp rahmet, Qasym-Jomart Kemeluly!».

Ol jazbanyń astyna QR Prezıdenti Qasym-Jomart Toqaevtyń Instagram-daǵy sózderin keltirdi.

«Dımash Qudaıbergen - án ónerindegi qubylys. Naǵyz talant ıesi. Qazaqtyń mádenıetin, án ónerin shartarapqa pash etip júrgen vırtýoz. Keshe qazaqtyń maqtanyshyna Ózbekstan jurtshylyǵy da tánti bolyp, ónerine qol soqty. Dımashtyń áli talaı bıikterdi baǵyndyraryna senimdimin jáne tilektespin», - dep jazdy Prezıdent Instagram paraqshasynda.