ıAssaýı qabirjapqyshynyń eskızi ázirlenedi
«Boljammen 1450-1550 jyldary jasalǵan qabirjapqysh búginde Túrkistan qalasyndaǵy «Áziret Sultan» ulttyq tarıhı-mádenı mýzeı-qoryǵynyń qorynda saqtalýda. Qabirjapqyshtyń túpnusqasy onyń saqtalý deńgeıin eskere otyryp, qalpyna keltirýge jatpaıdy. Sebebi, ol qatań erekshe temperatýralyq, ylǵaldyq tıisti rejımdi jaǵdaıda, kún kózinen jáne taǵy basqa zııan keltiretin faktorlardan tys ortada konservatsııalanǵan kúıde saqtaýdy qajet etedi», - delingen mınıstrliktiń agenttik saýalyna bergen jaýabynda.
Vedomstvonyń atap ótýinshe, mundaı sheshim otandyq, sheteldik ǵalymdardyń (E. Gıýl – Ózbekstan, R. Gasan –Túrkııa, N. Krýpa – Ýkraına) usynystary men ustanymdary negizinde qabyldanǵan.
«Ony qalpyna keltirý úshin júrgiziletin jumystar qabirjapqyshqa orny tolmas zııan tıgizýi yqtımal. Aldaǵy ýaqytta ǵalymdar men mamandardyń kúshimen qabirjapqyshtyń eskızi ázirlenip, ol eskız keleshekte jańa qabirjapqysh ázirleý múmkindigi týyndap jatqan jaǵdaıda qoldanylatyn bolady», - dedi mıınstrlikten.
Memleket basshysy Qasym-Jomart Toqaev ulttyq quryltaıdyń úshinshi otyrysynda qasıetti Túrkistandaǵy ıAsaýı qabirinde kópten beri arnaıy japqysh joq ekendigin aıtqan bolatyn.
«Talaı zamannan kele jatqan kóne japqyshty qalpyna keltirý jumysy biraz jyl buryn bastalyp, aıaqsyz qalǵan. Men quzyrly memlekettik organǵa osy qundy murany tezirek sapaly jóndeýden ótkizip, tarıhı ornyna qaıtarýdy tapsyramyn», - degen edi Prezıdent.