ıAsaýıge qatysty derek izdegen ǵylymı ekspedıtsııa Ejelgi Taraz eskertkishterin aralady

TARAZ. QazAqparat - «Áziret Sultan» memlekettik tarıhı-mádenı qoryq-mýzeıi uıymdastyrǵan «ıAsaýı izimen» ǵylymı ekspedıtsııa músheleri Jambyl oblysyna arnaıy saparmen bardy, dep habarlaıdy QazAqparat.

Qoryq-mýzeı baspasóz qyzmetiniń málimetinshe, Taraz qalasyna at basyn burǵan ekspedıtsııa toby XI-XII ǵasyrlardaǵy sáýlet óneri eskertkishteriniń jaýhary, ańyzdarǵa súıensek Qoja Ahmet ıAsaýıdiń janazasyn oqyǵan qasıetti Qarabýranyń urpaǵy Aısha bıbi jáne onyń senimdi serigi bolǵan Babadja hatýnnyń kesenelerine baryp, tarıhymen tanysty.

Sapar barysynda qanshama ǵalymdar men zertteýshilerdiń nazaryn ózine aýdarǵan syry men jumbaǵy kóp Aqyrtas saraı keshenin aralaǵan ekspedıtsııa músheleri tájirıbe almasý maqsatynda «Ejelgi Taraz eskertkishteri» memlekettik tarıhı-mádenı qoryq-mýzeıinde atqarylyp jatqan jumystarmen tanysyp, mamandarmen pikir almasty.

Osy oraıda ujym qyzmetkerlerimen arnaıy kezdesý uıymdastyrylyp «Áziret Sultan» memlekettik tarıhı-mádenı qoryq-mýzeıiniń basshysy Jambyl oblysyna baǵyt alǵan sapardyń maqsaty men qoryq-mýzeı aýmaǵynda rýhanı jańǵyrý jolyndaǵy tarıhı izdenister, atqarylǵan jáne josparlanǵan jumystar jaıly málimdedi.

Jıyn aıasynda «Áziret Sultan» memlekettik tarıhı-mádenı qoryq-mýzeıiniń dırektory N.Ahmetjanov pen «Ejelgi Taraz eskertkishteri» tarıhı-mádenı qoryq-mýzeıiniń dırektory N.Byqybaev ujymaralyq baılanysty nyǵaıtý, tájirıbe almasýdy qolǵa alý týraly birqatar máselelerdi sheshýge ýaǵdalasty.

Jambyl oblysyndaǵy sapar «Kóne Taraz» qalashyǵy men Ejelgi Taraz qalasynyń batys aýmaǵynda ornalasqan dinı memorıaldyq keshender - ortaǵasyrlyq Qarahan men Dáýitbek keseneleri jaıly tarıhı derektermen tanysýǵa ulasty.

Aıta ketsek, Qoja Ahmet ıAsaýıdiń tarıhyn qaıta túgendeý, balalyq shaǵynan bastap shákirtteri men zamandastaryna deıingi tolyqqandy málimetterdi toptastyrý, tyń derekter izdeý maqsatynda «Áziret Sultan» memlekettik tarıhı-mádenı qoryq-mýzeıiniń uıymdastyrýymen qolǵa alynǵan «ıAsaýı izimen» tarıhı-derekti ekspedıtsııa Saıram , Sozaq óńirlerinde júrgizildi. Aldaǵy ýaqytta ıAsaýıdiń ustazdary men Qazaqstandaǵy jáne 100-ge jýyq elge taralǵan shákirtteri jaıly zertteý jumystary ári qaraı jalǵasyn tabady.