ıAsaýıdiń Amerıkadan tabylǵan qoljazbasynyń kóshirmesi jaryqqa shyqty

<p>ASTANA. KAZINFORM &mdash; Qoljazbalar jáne sırek kitaptar ulttyq ortalyǵynyń mamandary uly oıshyl, ǵulama Qoja Ahmet ıAsaýıdiń Amerıkadan tabylǵan qoljazbasynyń kóshirmesin jaryqqa shyǵardy.</p>

«Rısala Mırat ál Kýlýb» kitabynyń túpnusqasy HІІ ǵasyrda arab grafıkasymen túrki tilinde jazylǵan. Qoljazba «Dıýanı hıkmetke» qaraǵanda proza túrinde jaryq kórgen. Úsh taraýdan turatyn shyǵarma ádildik, adaldyq, izgilik sııaqty gýmanıstik qundylyqtardy sıpattaıdy. Qazirgi ýaqytta mamandar Vashıngtondaǵy AQSh Kongresiniń kitaphanasynan tabylǵan XVIII ǵasyrda kóshirilgen nusqa men burynnan bar túpnusqanyń ereksheligin zertteýde.

«Qoljazbalar jáne sırek kitaptar ulttyq ortalyǵy qoryna Qazaqstan tarıhyna qatysty jazba muralardy jınaqtaý barysynda muralardy izdep tabýdyń ártúrli joldaryn qoldanýda. Sonyń biri - kóne qoljazbalar men sırek kitaptardyń, kartalardyń elektrondy nusqalaryn ınternet júıesinen izdestirý jumystary. Qazaqstan tarıhyna qatysty óte mańyzdy degen baǵaly jazba derekterdiń kóshirmeleri sheteldik saıttardan anyqtalyp, faksımıldi kóshirmeleri jasalady», - dedi Qoljazbalar jáne sırek kitaptar ulttyq ortalyǵynyń bas sarapshysy Almat Absalyqov.

Kitapty túpteý jumystary 3 aptaǵa sozyldy. Faksımıldi kóshirmeniń jekelegen betteri blok túrinde tigilgen. Muqabaǵa 3 mm karton qaǵazy men ashyq qońyr tústi bylǵary qoldanylǵan.

Qoljazbanyń HІІ ǵasyrdaǵy túpnusqasy QR Ulttyq kitaphanasynda saqtalǵan.

Foto: Mádenıet mınıstrligi